كوبىنەسە جاڭا وتاۋ قۇرعان ەرلى-زايىپتىلار بىر-بىرىمەن تۇسىنىسە الماي جاتادى عوي. سولارعا از عانا لايفحاك ۇسىنساق...

ەندى، ارينە، اركىمنىڭ جاعدايى ءارتۇرلى. اركىم ءوز جىرتىعىن ءوزى جاماعانى جاقسى عوي. دەگەنمەن، مىنا نارسە ءبىر پايداڭىزعا جاراپ قالار.
***
قۇرمەتتى ازاماتتار! (ونىڭ ىشىندە اكە، اعا، ءىنى، بىرەۋدىڭ كۇيەۋى، ءۇيدىڭ كەنجەسى - ءبارى بار)
ايەل ادامنىڭ تابيعاتى ءوزى سونداي، بىرەۋگە بىردەڭە جازىپ، ول ونى وقىماي قويسا دا، ايەل ونى ۋايىمداپ، ويىنان بىردەڭەلەردى قۇراستىرىپ، قاسىنداعىلاردان: «ساعان جاۋاپ جازدى ما؟» «ماعان نەگە جاۋاپ بەرمەي جاتىر؟» «نەگە؟» «نەگە؟» دەپ كۇيگەلەكتەنىپ كەتەدى. سوندىقتان وسى نارسەگە ءسال تۇسىنىستىكپەن قاراڭىزدارشى.
***
ايەلىڭىز سىزگە بىردەڭە ايتسا، باسىنداعى پروبلەماسىمەن بولىسسە، ول «سەن ونى شەشىپ بەر»، «وسىنىڭ شەشىمىن ايت» دەگەن ءسوز ەمەس. ەركەكتەر ءوزى سونداي عوي، بىردەڭە ايتىلسا، ونى شەشۋگە اسىعىپ تۇرادى. سەبەبى، اللا ونى سولاي جاراتقان. ول - وتباسىنىڭ، ايەل، بالا-شاعاسىنىڭ باقتاشىسى. ءبىراق ءدال وسىنداي سيتۋاسياعا كەلگەن كەزدە ءسىز جاي عانا ونى تىڭداپ، «اا، سولاي ما؟ قيىن بولىپتى» نەمەسە «ەشتەڭە ەتپەيدى، وتەدى دە كەتەدى، مەن سەنىڭ جانىڭدامىن عوي» دەگەن سياقتى سوزدەرمەن ەموسياڭىزدى ءبىلدىرىپ، ورتاقتاسۋىڭىز كەرەك. قولداۋىڭىز كەرەك. ايەلگە سول دا جەتىپ جاتىر.
***
ايەلدەر سىرلاسۋدى جاقسى كورەتىن حالىق قوي. شاي ىشسە، ەكى-ۇش ساعات اڭگىمە ايتىپ وتىرا بەرۋدەن تايىنبايدى. ولار سول جەردە الگى پروبلەماسىن شەشىپ وتىر دەيسىز بە؟ جوووعا. جاي عانا بىر-بىرىنە ايتىپ، ىشىندەگىسىن شىعارىپ، ەموسياسىن اقتارىپ قانا وتىر. باسقا ەشتەڭە ەمەس. سوندىقتان ايەلىڭىز، قارىنداسىڭىز، جالپى، ايەلدەر قاۋىمى بىردەڭە ايتسا، تىڭداپ، قولداپ دامىتىپ جىبەرسەڭىز بولدى، ماسەلە شەشىلەدى. ءبىرازدان كەيىن ءوزى-اق ءبارىن ۇمىتىپ، كۇلىپ جۇرە بەرەدى.
ال «مەن ساعان ايتتىم عوي»، «ءوزىڭ عوي تىڭداماي قويعان» دەپ ونى كىنالاپ ۇرسا باستاساڭىز، تۇيمەدەي نارسە تۇيەگە اينالىپ جاعداي ۋشىعىپ كەتەدى. «سوسىن وسىعان نە جەتپەيدى؟» «مىناعان مەنەن نە كەرەك ءوزى؟» «نە قىل دەپ ءجۇر؟» دەپ بىر-بىرلەرىڭىزدى تۇسىنە الماي ءۇيدىڭ ەكى بۇرىشىندا وتىراسىزدار.

سوندىقتان كىنالاۋعا اسىقپاڭىز. ەر ادام كوپ نارسەنى ىشىندە ساقتاي الادى، ال ايەل ولاي ەمەس، ول بىردەن شىعارىپ تاستايدى.
***
ال ايەل ادامدارعا ايتارىمىز:
كۇيەۋىڭىز ءبىر ءىستى شەشە الماي، مىسالى، قالانىڭ ىشىندە جول تابا الماي اداسىپ جۇرگەن بولسا، وعان «بىلاي عوي»، «اناۋ وسىلاي ەمەس پە» دەپ ۇيرەتپەڭىز. ول ەر ادامعا «سەن تۇك بىلمەيسىڭ»، «سەنىڭ قولىڭنان ەشتەڭە كەلمەيدى» دەگەن سوزبەن بىردەي تيەدى. ەر ادامعا «سەن بىلمەيسىڭ بە؟» نەمەسە «كارتانى اشىپ قاراشى» دەپ ءوزى كومەك سۇراعان كەزدە عانا ايتۋ كەرەك.
▪️
نەگىزى ءبىز قانشا جەردەن «ەر مەن ايەلدىڭ تابيعاتى باسقا»، «ايەلدەردى ءتۇسىنىپ بولمايسىڭ» نەمەسە «ءتۇۇۋ، وسى ەركەكتەردى مە؟» دەپ كۇيىنىپ، كىجىنىپ، ازىلدەپ بولسا دا، استارىنا شىندىق قوسىپ تيگىزىپ ايتىپ جاتساق تا، ەرلى-زايىپتىلار اللا جاراتقان جۇپتار عوي. سوندىقتان ولار ءبارىبىر بىر-بىرىمەن تۇسىنىسەدى. اللا ايەلدى ەرىنىڭ قابىرعاسىنان جاراتتى. ولار - ءبىر-بىرىن تولىقتىرۋشى. سول سەبەپتى، كەي ىستەرگە جاي عانا سابىر ساقتاپ، اجىراسىپ كەتپەي، سوڭىن كۇتۋ كەرەك.

مۇحامەدجان تازابەكتىڭ instagram-داعى پاراقشاسىنان الىندى

ۇسىنعان: گۇلىم جاقان