2019 جىلعى اقپانىنان باستاپ  ۆتب بانك (قازاقستان) ماسكەۋ بيرجاسىنىڭ ۆاليۋتا نارىعىنداعى ساۋدا-ساتتىققا تىكەلەي قول جەتكىزدى دەپ حابارلايدى Qamshy.kz اقپارات اگەنتتىگى بانكتىڭ باسپا ءسوز قىزمەتىنە سىلتەمە جاساي وتىرىپ.

ماسكەۋ بيرجاسىنىڭ ۆاليۋتالىق نارىعى ەاەو مۇشە-مەملەكەتتەردىڭ ينتەگراسيالانعان ۆاليۋتا نارىعىنىڭ ەڭ ءوتىمدى سەگمەنتتەرىنىڭ ءبىرى بولىپ تابىلادى جانە وعان قاتىسۋشىلارعا قولجەتىمدى قۇرالداردىڭ كەڭ سپەكترىن ۇسىنادى.

«ەۋرازيالىق ەكونوميكالىق وداق (بەج) اياسىنداعى قارجىلىق ءوزارا ءىس-قيمىل ايماقتىڭ ەكونوميكالىق تۇراقتىلىعىن ساقتاۋ ءۇشىن ۇلكەن ماڭىزعا يە. بەج-گە قاتىسۋشى ەلدەردىڭ ۆاليۋتالىق نارىقتارىنا قولجەتىمدىلىكتى كەڭەيتۋ - بۇل ەۋرازيالىق كەڭىستىكتە بيزنەس-بايلانىستاردى نىعايتۋعا جانە ءوزارا ءتيىمدى ىنتىماقتاستىقتى دامىتۋعا تاعى ءبىر قادام بولادى. ۆتب (قازاقستان) بانكىنىڭ الدىندا ماسكەۋ بيرجاسىنىڭ ۆاليۋتا نارىعىنا تىكەلەي شىعۋ ءۇشىن اشىلاتىن جاڭا مۇمكىندىكتەر ءبىزدىڭ كليەنتتەرىمىزگە ارنالعان ءونىم جەلىسى مەن سەرۆيستى جاقسارتۋعا مۇمكىندىك بەرەدى»، - دەپ اتاپ ءوتتى ۆتب بانك (قازاقستان) باسقارماسىنىڭ ءتوراعاسى دميتريي زابەللو.

بۇگىن ماسكەۋ بيرجاسىنىڭ ۆاليۋتالىق نارىعىنا ەۋرازيالىق ەكونوميكالىق وداقتىڭ بەس ەلىنەن (ەەو/ەۋرازەق) 14 بانك تىكەلەي قاتىناۋ رۇقساتىنا يە، ونىڭ ىشىندە ەكى حالىقارالىق قارجى ينستيتۋتى: مەملەكەتارالىق بانك جانە ەۋرازيالىق دامۋ بانكى (ەادب). ولاردىڭ جيىنتىق ساۋدا اينالىمى 2018 جىلى 2017 جىلمەن سالىستىرعاندا ءۇش ەسەگە ءوسىپ، 1،9 ترلن رۋبلگە جەتتى.

قازىرگى ۋاقىتتا ماسكەۋ بيرجاسىنىڭ ۆاليۋتا نارىعىندا سونىمەن قاتار «اقش دوللارى – رەسەي ءرۋبلى»، «ەۋرو – رەسەي ءرۋبلى»، «جۇڭگو ءيۋانى – رەسەي ءرۋبلى»، «ەۋرو – اقش دوللارى»، «گونكونگ دوللارى – رەسەي ءرۋبلى»، «جاپون يەنى – رەسەي ءرۋبلى»، «فۋنت ستەرلينگ – رەسەي ءرۋبلى»، «فۋنت ستەرلينگ – اقش دوللارى»، «شۆەيساريا فرانكى – رەسەي ءرۋبلى»، «شۆەيساريا فرانكى – اقش دوللارى»، «تۇرىك ليراسى – رەسەي ءرۋبلى»، «تۇرىك ليراسى- اقش دوللارى»، «بەلارۋس ءرۋبلى – رەسەي ءرۋبلى»، «قازاقستان تەڭگەسى – رەسەي ءرۋبلى» جۇپتارى بويىنشا ساۋدا-ساتتىق وتۋدە. 2018 جىلدىڭ قورىتىندىسى بويىنشا ۆاليۋتا نارىعىنداعى ورتاشا كۇندىك ساۋدا كولەمى 22 ملرد اقش دوللارىن قۇرادى.

ۇسىنعان: جازيرا بايدالى