قازاقستاندىق ۋنيۆەرسيتەت العاش رەت ASIIN حالىقارالىق اككرەديتاسياسىنان ءوتتى، دەپ حابارلايدى Qamshy.kz اقپارات اگەنتتىگى ق ر ءبىلىم جانە عىلىم مينيسترلىگىنىڭ باسپا ءسوز قىزمەتىنە سىلتەمە جاساپ.

باسپا ءسوز مالىمەتتەرى بويىنشا، الەمدىك تاجىريبەگە سايكەس بۇگىنگى كۇنى ۋنيۆەرسيتەتتى اكرەديتتەۋ، ونىڭ جۇمىسىنىڭ العىشارتى بولىپ سانالادى جانە حالىقارالىق اككرەديتتەۋدىڭ العاشقى ناتيجەلەرى ونىڭ وتاندىق جوعارى ءبىلىم بەرۋ جۇيەسىنە قاجەتتىلىگى مەن ماڭىزى تۋرالى ايتۋعا مۇمكىندىك بەرەدى.

2016 جىلى حالىقارالىق IT ۋنيۆەرسيتەتى ساپالى ءبىلىم بەرۋدى ۇسىنۋ ماقساتىندا ASIIN (گەرمانيا) اككرەديتتەۋ اگەنتتىگىنە ءوتىنىش بەرىپ، قازاقستان ۋنيۆەرسيتەتتەرىنىڭ تاريحىندا تۇڭعىش رەت 5 جىلدىق حالىقارالىق ينستيتۋسيونالدىق اككرەديتاسيانى الدى.

اتالعان ۋنيۆەرسيتەت ۇجىمى ASIIN ساراپتامالىق كوميتەتى ءۇشىن ەسەپتى 2 جىل بويى دايىندادى.

اككرەديتتەۋ كوميسسياسىنىڭ شەشىمى بويىنشا، حاتۋ ينستيتۋسيونالدىق حالىقارالىق اككرەديتاسيادان وتكەن قازاقستانداعى جالعىز ۋنيۆەرسيتەت بولدى.

ASIIN تەكسەرۋ پروسەدۋراسىنىڭ ناتيجەلەرى حاتۋ-دىڭ ساپانى انىقتاۋ، رەسۋرستاردى باسقارۋ جانە قۇجاتتامانىڭ اشىقتىعى سياقتى سالالارى جەتىلگەن دەڭگەيدە ەكەندىگىن كورسەتتى. ۋنيۆەرسيتەتتىڭ رەكتورى دامير شىنىبەكوۆتىڭ ايتۋىنشا، ASIIN ۋنيۆەرسيتەتتەردىڭ قىزمەت ساپاسىن باعالايدى جانە ەۋروپالىق ستاندارتتار مەن كريتەرييلەرگە سايكەستىكتىگىن مويىندايدى.

جالپى، بۇگىنگى تاڭدا ەلىمىزدەگى جوعارى وقۋ ورىندارىندا ءارتۇرلى، اشىق ءبىلىم بەرۋ باعدارلامالارى جاسالىپ، الەمدىك ەڭبەك نارىعىندا تۇلەكتەردىڭ باسەكەگە قابىلەتتىلىگى ارتىپ كەلەدى.

ايتا كەتەيىك، ASIIN - بۇل ۋنيۆەرسيتەتتىڭ حالىقارالىق ستاندارتتارعا سايكەستىگىن راستاۋ ءراسىمى.  

ۇسىنعان: ماقپال سەمباي