ق ر ۇلتتىق بانك ماماندارى كوللەكتورلىق اگەنتتىك ءوتىنىش جاساعان جاعدايدا قارىز الۋشى نەنى ءبىلۋى قاجەتتىگىن ايتىپ بەردى، دەپ حابارلايدى Qamshy.kz اقپارات اگەنتتىگى.

ق ر ۇب باسپا ءسوز قىزمەتىنىڭ مالىمەتىنشە، 2017 جىلدان باستاپ كوللەكتورلىق اگەنتتىكتەردىڭ قىزمەتى «كوللەكتورلىق قىزمەت تۋرالى» زاڭمەن رەتتەلەدى. زاڭعا سايكەس ق ر ۇلتتىق بانكى كوللەكتورلىق اگەنتتىكتەردىڭ قىزمەتىن مەملەكەتتىك رەتتەۋ مەن باقىلاۋدى جۇزەگە اسىرادى.

زاڭنىڭ ەرەجەلەرىنە سايكەس كوللەكتورلىق اگەنتتىك - ەكىنشى دەڭگەيدەگى بانكتەردىڭ (بانكتەر) نەمەسە ميكروقارجى ۇيىمدارىنىڭ (مقۇ) قارىزدارى بويىنشا بەرەشەكتى وندىرەتىن ۇيىم.

كوللەكتورلىق اگەنتتىكتىڭ ءوز قىزمەتىن ۇلتتىق بانكتە ەسەپتىك تىركەۋدەن وتكەننەن كەيىن جانە ونى كوللەكتورلىق اگەنتتىكتەردىڭ تىزىلىمىنە ەنگىزگەننەن كەيىن عانا جۇزەگە اسىرۋعا قۇقىلى ەكەندىگىن ءبىلۋ قاجەت. ءتىزىمدى ۇلتتىق بانكتىڭ سايتىنان كورۋگە بولادى.

ءوندىرىپ الۋ بەرەشەكتى ءوندىرىپ الۋ شارتىنىڭ نەگىزىندە جۇزەگە اسىرىلادى جانە بانكتىك قارىز شارتىندا نەمەسە ميكروكرەديت بەرۋ تۋرالى شارتتا بانكتىڭ جانە مقۇ-نىڭ ءۇشىنشى تۇلعالاردى تارتۋعا قۇقىعى بولعان كەزدە عانا ىقتيمال. بۇل رەتتە مقۇ-عا جەكە تۇلعامەن جاسالعان جانە تۇرعىن ءۇي تۇرىندە كەپىلمەن قامتاماسىز ەتىلگەن شارت بويىنشا بەرەشەكتى ءوندىرىپ الۋ ءۇشىن كوللەكتورلىق اگەنتتىكتى تارتۋعا تىيىم سالىنادى.

«بانكتەر مەن مقۇ قارىز الۋشىنىڭ كەلىسىمى بولعان كەزدە قارىز، ميكروكرەديت بويىنشا تالاپ ەتۋ قۇقىعىن بەرۋگە نەمەسە وزگەشە ايتقاندا قارىزدى، ميكروكرەديتتى كوللەكتورلىق اگەنتتىككە «ساتۋعا» قۇقىلى. مۇنداي جاعدايلاردا كوللەكتورلىق اگەنتتىك جاڭا كرەديتور بولادى جانە بەرىلگەن شارتتىڭ تالاپتارىن، سونداي-اق بانكتەر مەن مقۇ-عا قويىلاتىن بارلىق زاڭنامالىق تالاپتار مەن شەكتەۋلەردى ساقتاۋعا مىندەتتى.

بانكتەر تالاپ ەتۋ قۇقىعىن بانكتىك قارىز شارتى بويىنشا 90 كۇننەن استام، ال جەكە تۇلعانىڭ يپوتەكالىق قارىزى بويىنشا 180 كۇننەن استام تولەمنىڭ مەرزىمىن وتكىزۋ بولعان كەزدە بەرۋگە قۇقىلى»،  دەلىنگەن حابارلامادا.

بۇل رەتتە مقۇ تالاپ ەتۋ قۇقىعىن قارىز 90 كۇننەن استام تولەبەگەن كەزدە عانا بەرۋگە قۇقىلى. كەپىلگە تۇرعىن ءۇي قويىلعان جەكە تۇلعانىڭ ميكروكرەديتى بويىنشا تالاپ ەتۋ قۇقىعىن كوللەكتورعا بەرىلمەيدى.

كوللەكتورلىق قىزمەتتى جۇزەگە اسىرۋ كەزەڭىندە بانكتەر مەن مقۇ بورىشكەرگە قاتىستى بەرەشەك كوللەكتورلىق اگەنتتىكتە جۇمىستا بولعان كەزەڭدە سىياقىنى، كوميسسيالاردى جانە وزگە تولەمدەردى تولەۋدى تالاپ ەتۋگە، سونداي-اق، اتالعان كەزەڭدە تۇراقسىزدىق ايىبىن ەسەپتەۋگە قۇقىعى جوق.

كوللەكتورلىق اگەنتتىكتىڭ قىزمەتكەرى بورىشكەرمەن العاش بايلانىس جاساعان كەزدە تانىسۋعا، كرەديتوردىڭ اتاۋىن جانە كوللەكتورلىق اگەنتتىكتىڭ بايلانىس دەرەكتەرىن، كوللەكتورلىق اگەنتتىكتەردىڭ تىزىلىمىندەگى ەسەپتىك تىركەۋ ءنومىرىن، بەرەشەك تۋرالى اقپاراتتى حابارلاۋعا مىندەتتى.

كوللەكتورلىق قىزمەتتى جۇزەگە اسىرۋ ءتارتىبى تۋرالى تولىق اقپارات كوللەكتورلىق قىزمەت تۋرالى زاڭنىڭ 5-بابىندا بەلگىلەنگەن. سونداي-اق، زاڭدا كوللەكتوردىڭ بورىشكەرگە حابارلاساتىن ۋاقىتى بەلگىلەنگەن.

«كوللەكتورلىق اگەنتتىكتىڭ بورىشكەرمەن ءوزارا ىس-ارەكەت ەتۋى كوللەكتورلىق اگەنتتىكتىڭ باستاماسى بويىنشا جەكە بايلانىس جاساعان كەزدە جۇمىس كۇندەرى ساعات 8.00-دەن 21.00-گە دەيىنگى كەزەڭدە 1 رەتتەن كوپ ەمەس جانە تەلەفونمەن كەلىسسوزدەر جۇرگىزۋ ارقىلى جۇمىس كۇندەرى ساعات 8.00-دەن 21.00-گە دەيىنگى كەزەڭدە 3 رەتتەن كوپ ەمەس، جۇمىس كۇندەرى ساعات 8.00-دەن 21.00-گە دەيىنگى كەزەڭدە شەشىلەدى»، دەلىنگەن حابارلامادا.

كوللەكتورلىق اگەنتتىك بورىشكەرگە ءقاۋىپ ءتوندىرۋ، ءتىل تيگىزۋ، بوپسالاۋ، الداپ-ارباۋ، سونداي-اق كوممەرسيالىق نەمەسە ق ر زاڭىمەن قورعالاتىن وزگە دە قۇپيانى جاريالاۋ سياقتى ادال ەمەس ىس-ارەكەتتەردى قولدانۋعا قاتاڭ تىيىم سالىنادى. 

ايتا كەتەرلىگى، 2018 جىلى كوللەكتورلىق اگەنتتىكتەرگە قاتىستى اكىمشىلىك ايىپپۇل تۇرىندە 5 سانكسيا جانە 14 شەكتەۋ شاراسى قولدانىلعان.  ەگەر كوللەكتورلىق اگەنتتىكتەر بورىشكەردىڭ قۇقىعىن بۇزسا، وندا ول ۇلتتىق بانككە نەمەسە ونىڭ اۋماقتىق فيليالدارىنا ءوتىنىش بىلدىرە الادى. قوعامدىق قابىلداۋ بولمەلەرىنىڭ بايلانىس اقپاراتى ۇلتتىق بانكتىڭ سايتىندا ورنالاستىرىلعان.

ۇسىنعان: ماقپال سەمباي