بۇۇ-نىڭ يۋنيسەف بالالار قورى ازىرلەگەن باعدارلاماعا قاتىستى قىزىلوردا وبلىسىنىڭ تۇرعىندارى اراسىندا داۋ تۋدى. بۇل جوبا نەگىزىنەن مەكتەپتەگى ءسۋيسيتتى توقتاۋعا باعىتتالعانىمەن ستاتيستيكا بالالاردىڭ وز-وزدەرىنە قول جۇمساۋى كوبەيگەنىن كورسەتىپ وتىر دەپ حابارلايدى Qamshy.kz اقپارات اگەنتتىگى.

بۇل ماسەلەگە مەكتەپ پسيحولوگى ءلاززات شاۋەنوۆا كوڭىلى تويمايتىندىعىن ايتا وتىرىپ، پيلوتتىق جوبا جەمىسىن بەرسە 2017 جىلى قىزىلوردا وبلىسى بويىنشا 6 بالا ەكەن وز-وزىنە قول جۇمساعان، ال ەندى 2018-دە ول 13-كە كوتەرىلىپتى. بۇل سوندا جەمىس بەرسە نەگە سونشالىقتى كوتەرىلەدى. سوعان قاراعاندا مەن ەشقانداي جەمىس بەردى دەپ ويلامايمىن دەگەن پىكىر ءبىلدىردى. 

ءومىرىڭىزدى قيۋعا سوڭعى رەت ارەكەت جاساعاندا قانداي ءادىستى قولداندىڭىز؟

قىزىلوردا وبلىسىندا 8-10 سىنىپتاردا وقيتىن وقۋشىلارعا بەرىلگەن ساۋالنامادا وسىنداي سۇراقتار كەزدەسكەن. 

«سەگىزىنشى سىنىپتا وقيتىن ۇلىم ۇيگە كەلىپ، اكەسىنەن ساۋالناما جۇرگىزىلگەندىگى جايىندا ءوز ويىن ايتتى. ەڭ سوڭعى سۇراق قانا ەسىمدە قالىپ تۇر، مەن ولسەم باسقا ادامدارعا جاقسى بولا ما دەگەن سۇراقتى نەگە وسىنداي سۇراق قويىلعان — دەپ اكەسىنەن سۇرادى. يۋنيسەف-تىڭ ءدال وسىنداي ساۋالناما جۇرگىزگەندىگىنە اتا-انا رەتىندە ءبىز قارسى بولىپ وتىرمىز  — دەيدى اتا-انا مەيرامگۇل ساپاربايەۆا.

«مەن ءوزىم انا بولعاندىقتان، قر-نىڭ ازاماتى بولعاندىقتان بالانىڭ پسيحولوگياسىن بۇزاتىن سۇراقتاردى قويماۋ كەرەك قوي دەپ ويلايمىن. ايتادى عوي ادامنىڭ ميىندا بولسا ول تۇقىم دەيدى، ونى ەگەر دە تۇقىمدى ەكسە ول ءارى قاراي وسەدى. سوندىقتان ەشقانداي جامان ويدى سالماۋ كەرەك — دەيدى تاعى ءبىر اتا-انا شاربانۋ جاركەنوۆا

 اتا-انانىڭ سوزىمەن مامان دا كەلىسەدى.

«ءوزىڭ اشۋلانعان كەزدە ءوزىنىڭ ومىردەن باس كەشكەن ۋاقىتىن بولدى ما نەمەسە قانداي جولدى تاڭدار ەدىڭ باسىنان وتكەن كەزدە» دەگەن سياقتى بالاعا اۋىر تيەتىن سۇراقتار بار. بىلمەيمىن ەندى، بۇل ادىستەمەنى يۋنيسەف پيلوتتىق جوبا ەتىپ بىزگە ەنگىزدى عوي. ءبىراق قازاقتىڭ مەنتاليتەتىندە قانشالىقتى بۇل مۇمكىن، ءبىزدىڭ بالالار بۇل سۇراقتارعا جاۋاپ بەرۋگە دايىن ەمەس شىعار، بۇل ەندى سىرتتان كەلگەن دۇنيە عوي ءتۇپ نۇسقاسى قازاقتان كەلگەن جوق. ءبىزدىڭ بالالار مۇمكىن بۇعان دايىن ەمەس شىعار. ەندى بالاعا كادىمگىدەي قيىندىق كەلتىرەدى»، — دەيدى جاڭاقورعان اۋدانى، كەلىنتوبە اۋىلىنىڭ №192 مەكتەبىنىڭ پسيحولوگ ءمۇالىمى ءلاززات شاۋەنوۆا.

جاسوسپىرىمدەر اراسىنداعى سۋيسيد ماسەلەسى كۇردەلى ەكەندىگىن ايتقان وبلىستىق ءبىلىم باسقارماسىنىڭ باسشىسى  مايرا بەدەلحانوۆا جاڭا باعدارلاما جايلى سۇحبات بەرۋدەن باس تارتىپ،  «ءسىز  كۇتە تۇرىڭىزشى. مەن ىشكى ماسەلەگە بايلانىستى جاۋاپتىلارمەن سويلەسىپ كەلەيىن. ءقازىر مەن وزىڭىزبەن سويلەسىپ الايىنشى. شىعا تۇرىڭىزدار»،- دەپ باسىن الا قاشقان.

وز-وزىنە قول سالۋى مۇمكىن دەگەن وقۋشىلاردى انىقتايمىز دەگەن قىزىلوردالىق پسيحولوگتار بيىل 4ء-شى جىل شەت ەلدىك باعدارلامامەن جۇمىس جاساپ كەلەدى. تىپتەن پيلوتتىق جوبانى جىلدىق جوسپارعا دا ەنگىزىپ ۇلگەرىپتى. سول سەبەپتى ءسۋيسيدتى بۇكىل الەم اۋىر ىندەت دەپ تانىپ جاتقان زاماندا جاڭا باعدارلامانى ەش تەكسەرۋسىز وقۋ پروسەسىنە قوسا سالۋدى مۇعالىمدەر دە اتا-انالار دا قاتە شەشىم دەپ ويلايدى.

ساۋالناماداعى سۇراقتار تىم اشىق جانە قازاق مەنتاليتەتىنە ساي دەپ شاعىم ايتۋدا اتا-انالار.