«الىپپە» وقۋ باعدارلاماسىنا قايتا ورالاتىن بولدى دەپ حابارلايدى Qamshy.kz اقپارات اگەنتتىگى Qazaqstan تەلەارناسىنا سىلتەمە جاساپ.

ناقتىراق ايتساق، كەلەسى جىلى ەنگىزىلەدى. بۇل تۋرالى اقتوبە جۇرتشىلىعىمەن كەزدەسۋ كەزىندە ءبىلىم جانە عىلىم ءمينيسترى كۇلاش ءشامشيدينوۆا مالىمدەدى. اتا-انالار قاۋىمى بۇل جاڭالىقتى ۇلكەن قۋانىشپەن قابىلدادى.

ايتا كەتەيىك، 2016 جىلى ەلىمىزدە باستاۋ سىنىپتارعا ارنالعان «الىپپە» مەكتەپ باعدارلاماسىنان الىنىپ تاستالعان  ەدى. ونىڭ ورنىن «ساۋات اشۋ» دەپ اتالاتىن وقۋلىقتار الماستىردى. بۇل وزگەرىسكە حالىقتىڭ باسىم بولىگى قارسىلىق ءبىلدىرىپ، وسى ۋاقىتقا دەيىن بۇل ماسەلە قىزۋ تالقىلانىپ كەلەدى.

جاڭادان تاعايىندالعان ءبىلىم جانە عىلىم ءمينيسترى كۇلاش ءشامشيدينوۆا حالىقتىڭ پىكىرى ەسكەرىلگەنىن جانە ايتقان تالابىن الداعى وقۋ جىلىندا تولىق ورىنداۋعا بارلىق مۇمكىندىك بار ەكەنىن ايتتى.

كۇلاش ءشامشيدينوۆا: "الىپپەگە بايلانىستى بيىلعى وقۋ جىلىندا ۇلگەرمەيمىز. كەلەسى وقۋ جىلىندا الىپپە ورنىنا قايتا كەلەدى. جاڭا وقۋ جىلى باستالۋىنا از عانا ۋاقىت قالدى. ءقازىر باسقا كىتاپتار باسىلدى. ەلدىڭ ەسىن شىعارماي، كەلەسى جىلى الىپپەنى قايتارامىز. ءبىلىمنىڭ ساپاسى تۋرالى ءار مەكتەپ بىلگەنىن جاسايدى دەپ ايتىپ جاتىرسىزدار. ولاي ەمەس. مەملەكەتتە ستاندارت – بىرەۋ" - دەدى.

"مەكتەپكە ساباق بەرۋگە ەر ازاماتتاردى شاقىرۋ كەرەك. بالاباقشادا، مەكتەپتە ايەلدەردىڭ تاربيەسىن الىپ وسكەن بالالار قىز سەكىلدى بولىپ بارادى. ءۇش تىلدىلىكتە بالالارىمىزدىڭ بارلىعى ءدۇبارا بولىپ كەتەدى. بالا 12 جاسقا دەيىن ءوز تىلىندە تاربيە السىن، ءوز ءتىلىن تەرەڭ مەڭگەرسىن. ءبىلىم ساپاسى بىزدە نەگە تومەندەپ كەتتى؟! ءار مەكتەپ ءارتۇرلى باعدارلامامەن وقىتىپ، بالانىڭ باسىن شىرداي قىلادى. ۇيگە بەرگەن تاپسىرمالاردى اتا-انا شەشە المايتىن جاعدايعا جەتتىك. الىپپە مەن ادەبيەتتى قايتارۋ كەرەك دەپ ويلايمىن».- دەدى اقتوبەلىك قوعام بەلسەندىسى كوشكىمباي احمەتوۆ.

جۇيەسى ءجيى وزگەرىسكە ۇشىرايتىن جاڭا ءبىلىم ءمينيسترى  الداعى جاڭالىعىن دا ايتتى.

"مەكتەپكە ەر ازاماتتاردىڭ كەلۋى ءبىزدى دە ويلاندىرادى. كوپ نارسە مەكتەپتىڭ باسشىسىنا بايلانىستى. كەزىندە مەن دە مەكتەپ ديرەكتورى بولدىم. «ءوز جۇمىسىن ايتتى» دەپ سوكپەڭىزدەر. ساناپ وتىرىپ ەر ازاماتتاردى كوبەيتتىم. سول سياقتى جۇمىس جاساۋىمىز كەرەك. ءقازىر اۋىلداعى مەكتەپ ءمۇعالىمىنىڭ تومەنگى جالاقىسى 110 مىڭ تەڭگەنىڭ اينالاسىندا، ورتاشا جالاقى –160 مىڭ، ال اۋىلداعى 15 جىل ءوتىلى بار جوعارى ساناتتى مۇعالىمدەر 190 مىڭ تەڭگەگە دەيىن الادى.

مەن مۇنداي قارجىعا ەر ازاماتتار دا مەكتەپكە جۇمىسقا كەلە الادى دەپ ويلايمىن. قالاداعى جاعدايدا 30 پايىزعا تومەن. سەبەبى مەملەكەت اۋىلدى قولداپ، جاس مامانداردىڭ اۋىلعا بارۋى ءۇشىن وسىنداي جاعداي جاساپ جاتىر. ال تىلدىك وقىتۋ ماسەلەسى قارالاتىن بولادى. الىپپەگە بايلانىستى، بيىلعى وقۋ جىلىندا ۇلگەرمەيمىز، كەلەسى وقۋ جىلىندا الىپپە ورنىنا قايتىپ كەلەدى. ءبىز بالالارعا ءبىلىمدى ءوزى ىزدەۋگە ۇيرەتۋىمىز كەرەك. وسى جاعىنان ءسۇرىنىپ جاتىرمىز.

سوندىقتان ءقازىر مەملەكەت 144 مىڭ ءمۇعالىمدى وقىتۋعا قارجى ءبولىپ وتىر. ادامعا ەڭ قيىن نارسە – ارتقان سەنىمدى اقتاپ شىعۋ. سىزدەردىڭ ايتقان پىكىرلەرىڭىىز مەنى كۇندە ۇيىقتاتپايدى، وسىنى اقتاي الامىن با، جوق پا دەيمىن"،- دەدى ءبىلىم جانە عىلىم ءمينيسترى كۇلاش ءشامشيدينوۆا.

ۇسىنعان: ماقپال سەمباي