ق ر حالىق بانكى شەتەلدىك قارجىلىق ينستيتۋتتارمەن باسەكەلەسۋگە نيەتتى. بۇل تۋرالى «قازاقستان حالىق بانكى» اق-نىڭ باسقارما باسشىسى ءۇمىت شاياحمەتوۆا ايتتى، دەپ حابارلايدى Qamshy.kz اقپارات اگەنتتىگى.

«2019 جىلى  حالىق بانكتىڭ الدىندا ۇلكەن مىندەت، ۇلكەن ماقسات تۇر – نارىقتا، جەرگىلىكتى ويىنشىلارمەن ءارى شەتەلدىك قارجىلىق ينستيتۋتتارمەن ءتيىمدى باسەكەلەسۋگە قاۋقارلى بولۋىمىز ءتيىس. بارىمىزگە بەلگىلى، 2020 جىلى قازاقستان دۇنيەجۇزىلىك ساۋدا ۇيىمىنا كىرەدى»، - دەدى ءۇمىت شاياحمەتوۆا باسپا ءسوز ءماسليحاتى بارىسىندا.

ونىڭ سوزىنشە، باسەكەلەس بولۋدىڭ ارتىقشىلىعى – حالىق بانكى ۆاليۋتالىق نەسيەلەرىن تومەنگى پايىزبەن بەرە الاتىن بولادى. بۇل ارزان قارجىلاندىرۋدىڭ ارقاسىندا جۇزەگە اسپاق.
قازاقستانداعى جەكە تۇلعالاردىڭ دوللارلىق دەپوزيتتەرى بويىنشا پايىزدىق مولشەرلەمەلەر 1% -دان اسپايدى.

2019 جىلعا قاتىستى حالىق بانكىنىڭ الدىندا تۇرعان كەلەسى جوسپار – ساۋىردە وزبەكستاندا ەنشىلەس بانك اشۋعا ليسەنزيا الۋ. مۇنداي جوسپاردى 2018 جىلى قازاقستان قور بيرجاسى دا ايتقان بولاتىن. ال ءۇمىت شاياحمەتوۆا پروسەسستىڭ قالاي جۇزەگە اساتىنى جايلى تولىعىراق باياندادى.

«ساۋىردە حالىقتىڭ ەنشىلەس بانكىن وزبەكستاندا اشۋعا تولىق ليسەنزيانى كۇتىپ ءجۇرمىز. بانك اشۋ ءۇشىن عيمارات دايىن تۇر. بۇل ءبىزدىڭ بانكتى تانىتاتىن التىنشى مەملەكەت بولماق. الدىمەن ءبىز زاڭدى جانە جەكە تۇلعالارعا قىزمەت ۇسىنىپ، جىل سوڭىندا جۇزەگە اسىرامىز دەپ جوسپارلاپ وتىرمىز»، - دەدى «قازاقستان حالىق بانكى» اق-نىڭ باسقارما باسشىسى.

ەگەر جوسپار ءساتتى جۇزەگە اسسا، حالىق بانك وزبەكستاندا ەنشىلەس بانكى بار العاشقى قازاقستاندىق بانك بولماق. قازىرگى ۋاقىتتا بانك فيليالدارى رەسەيدە، قىرعىزستاندا، گرۋزيا، تاجىكستاندا ورنالاسقان.  بانك بۇگىندە 10 ميلليون ادامعا قىزمەت ەتۋدە.

جالپى، 2018 جىلدىڭ 12 ايىندا «قازاقستان حالىق بانكى» اق-نىڭ تازا كىرىسى 2017 جىلدىڭ وسىنداي مەرزىمدەگى 173،362 ملرد تەڭگەدەن نەگىزىنەن پايىزدىق جانە كوميسسيالىق كىرىستەر ءوسۋ ەسەبىنەن 46،7 پايىزعا 254،238 ملرد دەيىن ۇلعايدى.

2018 جىلدىڭ قورىتىندىسىنا سايكەس، تازا پايىزدىق مارجا 2017 جىلعى 4،9 پايىزدان جىلدىعى 5،1 پايىزعا دەيىن ءوستى.

اكتيۆتەر 2018 جىلدىڭ تولىق 12 ايىندا 1،1 پايىزعا ءوسىپ، 8،9 ميلليون تەڭگەنى قۇرادى.

2017-2018 جىلدارى حالىق بانكتىڭ باستى اتقارعان مىندەتى – Qazkom مەن Hakyk بانكتەرىن بىرىكتىرۋ بولدى. بۇگىندە حالىق جانە قازكوم نارىقتىڭ ۇشتەن ءبىر بولىگىنەن ارتىق ۇلەسكە يە.