وزبەكستانداعى قازاقستان جىلىنىڭ اشىلۋ راسىمىنە ارنالعان گالا كونسەرتتە ديماش قۇدايبەرگەن دە ونەر كورسەتتى دەپ حابارلايدى Qamshy.kz اقپارات اگەنتتىگى.
بۇل جولى دارىندى قازاق بالاسى ەرەكشە داۋىسىمەن وزبەك حالقىن تاڭعالدىرعان.
سالتاناتتى شارا "وزبەكستان" حالىقارالىق فورۋمدار سارايىندا وتكەن. گالا كونسەرتتە ەكى ەلدىڭ باسشىلارى قاسىم-جومارت توقايەۆ پەن شاۆكات ميرزيەيەۆ تە بولعان.
ال ديماش قالىڭ كورەرمەنگە ءوزىنىڭ " SOS d'un terrien en détresse" دەپ اتالاتىن تانىمال ءانىن تارتۋ ەتكەن.
ۆيدەونىڭ جەلىدە پايدا بولعانى سول ەدى، ءانشىنىڭ تىڭدارماندارى وعان دەگەن تىلەكتەرىن جاۋدىردى.
"ديماشتىڭ ورىنداۋى، داۋىسى-سەنساسيا"، "ديماش قازاقستان حالقى مەن الەمنىڭ ەڭ تالانتتى، تاربيەلى، مەيىرىمدى، كىشىپەيىل جاس ادامى"، "ادەتتەگىدەي بيىكتە، ديماش - كورول"، دەپ جازۋدا جەلى قولدانۋشىلارى.
ايتا كەتەيىك گالا-كونسەرتتە ديماشتان بولەك، الىبەك دىنىشيەۆ، ايمان مۇساحودجايەۆا، مەدەت شوتابايەۆ، نۇرلان بەكمۇحامبەتوۆ، ماريا مۋدرياك سىندى قازاقستاننىڭ ونەر قايراتكەرلەرى مەن ساحنا شەبەرلەرى، شىعارماشىلىق ۇجىمدارى ءوز ونەرلەرىن پاش ەتكەن.
ەسكە سالا كەتەيىك، 15 ءساۋىر كۇنى تاشكەنتتە وزبەكستانداعى قازاقستان جىلىنىڭ اشىلۋ ءراسىمى ءوتتى.
♦قازاقستان پرەزيدەنتى مەملەكەتتىك ساپارمەن تاشكەنت قالاسىنا باردى (ۆيدەو)
ۇسىنعان: ماقپال سەمباي
پىكىر قالدىرۋ