زەرتتەۋشى دارىگەرلەر وبىر اۋرۋىنىڭ اسا نازار اۋدارتا قويمايتىن، ءبىراق بايقالعان بويدا مەديسينا قىزمەتكەرلەرىنىڭ كومەگىنە جۇگىنۋگە كەڭەس بەرەتىن سيمپتومدارىن اتادى.

مامانداردىڭ ايتۋىنشا، وبىر دەرتىنىڭ ەڭ كوپ كەزدەسەتىن بەلگىلەرىنىڭ ءبىرى – ۇزدىكسىز شارشاڭقىلىق.

"ەگەر ءسىز قالىپتى جاعدايدان دا قاتتى شارشاعان بولساڭىز، دارىگەر كەڭەسىنە جۇگىنىڭىز"، - دەيدى زەرتتەۋشى ماماندار.

بۇدان بولەك، سالماقتىڭ تەز وزگەرۋى، ەمدەلۋ بارىسىندا دا تىيىلمايتىن اۋىرسىنۋلار، تەرىدە ءتۇرلى بەلگىلەردىڭ پايدا بولۋى، سۋىققا قاتىسى جوق قىزۋدىڭ كوتەرىلۋى وبىر دەرتىنىڭ العاشقى سيپتومدارى بولۋى مۇمكىن. سونداي-اق، دارىگەرلەر سەبەپسىز جوتەل مەن ءزار شىعۋ ۇدەرىسىنىڭ بۇزىلۋىن، دەنە ىسىكتەرىن دە وسى ساناتقا جاتقىزادى.

مەديسينا قىزمەتكەرلەرى ازاماتتارعا ءجيى تەكسەرىستەن ءوتىپ تۇرۋعا كەڭەس بەرەدى. وسى كەزدە عانا قاتەرلى ىسىكتى جاڭا باستالعان ۋاقىتىندا انىقتاپ، وعان ەم قولدانۋدىڭ وڭاي بولاتىنىن العا تارتادى.

دارىگەرلەر كوفەنى ءجيى تۇتىنۋ دا قاتەرلى ىسىك دەرتىنىڭ ءقاۋپىن ارتتىراتىن بىردەن-بىر فاكتور ەكەنىن ايتادى. ءتىپتى، تەمەكى شەكپەيتىن، ءبىراق كۇنىنە ەكى نەمەسە ودان دا كوپ شىنىاياق كوفە ىشەتىن ادامدارداعى وكپە قاتەرلى ىسىگىنىڭ ءقاۋپى 41 پايىزعا ارتادى ەكەن.

"دەنساۋلىق – ءبىرىنشى بايلىق". باعاسىز بايلىقتارىڭىزدى كەپىلدەندىرۋدى ۇمىتپاڭىزدار.