مەموريالدى تاقتادا قازا تاپقان 3 پوليسيا قىزمەتكەرىنىڭ اتى جازىلعان. ولاردىڭ قاتارىندا ميليسيا مايورى اسقار بيسەكەنوۆ، جول پوليسياسى باسقارماسىنىڭ قاتارداعى قىزمەتكەرى نۇربەرگەن وتەمىسوۆ جانە ءپاترۋلدى پوليسيا سەرجانتى شالxار اقىمعالييەۆ بار.
بۇگىن، 7 مامىر كۇنى اتىراۋ وبلىستىق ءىىد-ى ءداستۇر بويىنشا وتان قورعاۋشىلار كۇنى مەرەكەسىنە وراي سالتاناتتى شارا وتكىزدى. شاراعا ق ر پارلامەنت ءماجىلىسىنىڭ دەپۋتاتتارى باقتىقوجا ءىزمۇxامبەتوۆ جانە اباي تاسبولاتوۆ، اتىراۋ وبلىسىنىڭ اكىمى نۇرلان نوعايەۆ، ءىىق باسشىلىعى، جەكە قۇرام، ىشكى ىستەر قىزمەتىنىڭ ارداگەرلەرى مەن قازا تاپقان پوليسيا قىزمەتكەرلەرىنىڭ وتباسى قاتىستى.
ق ر پرەزيدەنتى قاسىم-جومارت توقايەۆتىڭ بۇيرىعىمەن، قىزمەتتىك مىندەتتەرىن اتقارۋ كەزىندە قازا تاپقان سەرجانت شالxار اقىمعالييەۆقا 3 دارەجەلى "ايبىن" وردەنى بەرىلدى. وردەندى پوليسيا قىزمەتكەرىنىڭ اناسىنا وبلىس باسشىسى نۇرلان نوعايەۆ تابىستادى.
-بۇگىن ءبىز ازاماتتاردىڭ قاۋىپسىزدىگىن، ولاردىڭ بەيبىت ءومىر ءسۇرۋ جانە جۇمىس ىستەۋ قۇقىعىن قورعايتىنداردى قۇرمەتتەيمىز. توتەنشە جاعدايدا قۇقىق قورعاۋ ورگاندارى كەز كەلگەن ۋاقىتتا ادامدارعا كومەككە كەلەدى. سىزدەردىڭ ءتيىمدى، كاسىبي دەڭگەيلەرىڭىزدىڭ ناتيجەسىندە قىلمىستار انىقتالىپ، تىنىشتىق ساقتالۋدا. كەزەكشىلىك مىندەتىن اتقارعان كەزدە ءجيى ءوزىڭنىڭ ءومىرىڭدى تاۋەكەل ەتۋگە تۋرا كەلەدى. ەرلىك پەن قاھارماندىق ءۇشىن قازا تاپقان پوليسەيلەر اسقار بيسەكەنوۆ، شالقار اقىمعالييەۆ، نۇربەرگەن وتەمىس ۇلى مەملەكەتتىك ناگرادالارمەن ماراپاتتالدى. اتا-انالارعا ءبىزدىڭ ەلىمىزدىڭ لايىقتى ازاماتتارىن تاربيەلەۋدە العىس ايتامىز. قىزمەتتىك بورىشتارىن اتقارۋ كەزىندە ەرلىكپەن قازا تاپقاندار ەسىمى وتانداستار ەسىندە ماڭگى قالادى،- دەيدى نۇرلان نوعايەۆ.
ىشكى ىستەر مينيسترلىگىنىڭ پوليسيا گەنەرال-لەيتەنانتى ەرلان تۇرعىمبايەۆتىڭ اتىنان قۇقىق قورعاۋ ورگاندارىنىڭ ءبىرقاتار قىزمەتكەرى قۇقىق قورعاۋ ورگاندارىنىڭ لاۋازىمدى تۇلعالارىنا ارنالعان «قۇقىق ءتارتىبىن قامتاماسىز ەتۋ» مەدالىمەن، قۇرمەت گراموتالارى جانە العىس حاتتارمەن ماراپاتتالدى.
ارنايى پوليسيا گەنەرال-لەيتەنانتى شەنىن اتىراۋ وبلىستىق ءىىد-نىڭ پوليسيا پولكوۆنيگى ايان دۇيسەمبايەۆ الدى.
- ءبىز قازا بولعان پوليسيا قىزمەتكەرلەرىن قۇرمەتپەن ەسكە الامىز. ولاردىڭ باتىرلىق ارەكەتى ءاردايىم كۇندەلىكتى قىلمىسپەن كۇرەسكەن پوليسيا قىزمەتكەرلەرى ءۇشىن ەرلىك پەن ءپاتريوتيزمنىڭ ۇلگىسى بولادى، - دەدى ايان دۇيسەمبايەۆ.
قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى باقتىقوجا ىزمۇحامبەتوۆ پەن اباي تاسبولاتوۆ ارداگەرلەرگە جانە قازىرگى پوليسيا قىزمەتكەرلەرىنە العىس ءبىلدىرىپ، قايتىس بولعان پوليسيا قىزمەتكەرلەرىنىڭ وتباسىلارى مەن دوستارىنا زور دەنساۋلىق پەن باقىت تىلەدى.
ماراپاتتاۋ راسىمىنەن كەيىن ءىس-شارا ەرلىكپەن قازا تاپقان اسقار بيسەكەنوۆ، شالقار اقىمعالييەۆ جانە نۇربەرگەن وتەمىسوۆكە ارنالعان مەموريالدى ەسكەرتكىش تاقتانىڭ اشىلۋىنا ۇلاستى.
ميليسيا مايورى اسقار بيسەكەنوۆ 1993 جىلى 18 ساۋىردە قايتىس بولدى. بۇرىن سوتتالعاندار توبى «اتىراۋ-ەركىنقالا» تاس جولىنا پوليسيا قىزمەتكەرىن الىپ شىعىپ، ۇرىپ، بىرنەشە رەت پىشاق جاراقاتىن سالعان.
نۇربەرگەن وتەمىسوۆ 2009 جىلى 30 قاراشادا كوز جۇمدى. ماس جۇرگىزۋشى جول پوليسياسىنىڭ قىزمەتكەرىن قاعىپ كەتكەن. تاڭەرتەڭ ەرتە اۆانگارد اۋدانىندا پوليسەي كۇدىكتى مەرسەدەستى توقتاتۋعا تىرىسىپ، ءوز ءومىرىن قيدى. ءىىى دارەجەلى «ايبىن» وردەنىمەن ماراپاتتالعان.
2019 جىلدىڭ 21 ناۋرىزىندا پاترۋل پوليسياسىنىڭ سەرجانتى شالقار اقىمعالييەۆ سۋعا باتىپ بارا جاتقان ايەلدى قۇتقارۋعا تىرىسىپ، مۇزدى سۋعا باتىپ كەتتى. الايدا، كۇشتى اعىمدى جەڭە الماي، پوليسيا سۋعا كەتتى. كوپىردەن سەكىرگەن قىزدى ونىڭ ارىپتەسى رۋستەمبەك سۇندەتوۆ سۋدان شىعارعان.
قاتىسۋشىلار قازا تاپقان پوليسيا قىزمەتكەرلەرى ەسكەرتكىشتەرىنە گۇل شوقتارىن قويىپ، ءبىر مينۋت ۇنسىزدىكپەن ەسكە الدى.