امەريكانىڭ كولورادو شتاتىنىڭ حايلەندس-رانچ ەلدى مەكەنىندەگى STEM School Highlands Ranch مەكتەبىندە اتىس بولدى دەپ حابارلايدى Qamshy.kz اقپارات اگەنتتىگى CNN تەلەارناسىنىڭ تاراتقان مالىمەتتەرىنە سۇيەنىپ.
وقيعا ورنىندا 8 ادام جاراقات الىپ، ءبىر وقۋشى قايتىس بولدى. كۇاگەرلەردىڭ ايتۋىنشا، ەكى وقۋشى مەكتەپكە قارۋ الىپ كىرىپ، ەكى جاقتان وق جاۋدىرا باستاعان.
وقيعا جەرگىلىكتى ۋاقىت بويىنشا 14:00-دە بولعان (استانا ۋاقىتىمەن 2:00 – رەد.). اتىس بولعان مەكتەپكە جەتكەن توتەنشە جاعدايلار قىزمەتكەرلەرى دەرەۋ وقۋشىلاردى ەۆاكۋاسيالاعان. تەلەارنانىڭ دەرەكتەرىنە سۇيەنسەك، مەكتەپتە بارلىعى 1850 ادام وقيدى.
وكرۋگ شەريفى دۋگلاس توني سپەرلوكتىڭ ايتۋىنشا، پوليسيا وقيعا ورنىنا ەكى مينۋتتىڭ ىشىندە جەتكەن.
سونىمەن قاتار كۇدىكتى ەكى ادام ۇستالدى. ولاردىڭ ەكەۋى دە وقۋشى.قۇقىق قورعاۋ ورگاندارى بۇل ىسكە تاعى ءۇشىنشى ادامنىڭ قاتىسى بار بولۋى مۇمكىن دەگەن دەرەكتى جوققا شىعارمايدى. قازىرگى تاڭدا ىزدەستىرۋ جۇمىستارى جۇرگىزىلىپ، وقيعانىڭ ءمان-جايى تەكسەرىلىپ جاتىر. ازىرگە كۇدىكتىلەردىڭ نە سەبەپتى بۇلاي جاساعانى بەلگىسىز. سونىمەن قاتار، اۆتوتۇراقتان كۇدىكتىلەردىڭ كولىگى انىقتالعان.
«مەن مەكتەپتەن جۇگىرىپ بارا جاتقان ادامداردى بايقادىم دا، دەنە شىنىقتىرۋ ساباعى بولار دەپ ويلادىم. ءبىراق مەكتەپتەن بارلىعى قاشا باستادى»، - دەيدى مەكتەپتىڭ ماڭىندا تۇراتىن كۋاگەردىڭ ءبىرى.
ەستەرىڭىزگە سالا كەتسەك، STEM School Highlands Ranch مەكتەبى 1999 جىلى 20 ساۋىردە ءدال وسىنداي قايعىلى وقيعا بولعان «كولۋمباين» مەكتەبىنىڭ جانىندا ورنالاسقان.
ۇسىنعان: مارجان سابەت
پىكىر قالدىرۋ