بۇل – 1993 جىلى 25 ناۋرىزدا سۋدان ەلىندە بولعان اشتىق كەزىندە اتاقتى وڭتۇستىك افريكالىق ءفوتوتىلشى كيەۆين كارتەر تۇسىرگەن سۋرەت. سۋرەتتەگى كىشكەنتاي ءسابي اشتىقتان بۇرالىپ، السىرەپ جولدا وتىر ەكەن. ونىڭ ارتىندا كورىپ تۇرعاندارىڭىزداي كوزىن قاداپ، جىرتقىش قۇس "جەمتىگىنىڭ" قيمىلسىز قالۋىن كۇتىپ وتىر. كيەۆين كارتەر وسى سۋرەتتى تۇسىرگەن سوڭ سول جەردەن كەتىپ قالعان.

بۇل فوتو تۋىندىنى "The New York Times" گازەتى ساتىپ الادى. ءبىراق سۋرەت اۆتورى كيەۆين كارتەر وسى سۋرەتىنە بايلانىستى جۋرناليستەر مەن وقىرمانداردىڭ وتكىر سىنىنا ۇشىراعان. وعان كوپتەگەن ادامدار "ءسابي امان با، وعان قانداي كومەك كورسەتتىڭ؟" دەپ سۇراق  جاۋدىرىپ، سۋرەتىڭدى "ەكى قۇزعىن جىرتقىشتىڭ اراسىنداعى ءسابي دەپ اتاۋ كەرەك" دەپ كىنا ارتقان. ول تۋرالى سول كەزدە "St. Petersburg Times" گازەتى: "بۇل ادام فوتواپپاراتىن تەك ءولىم اۋزىندا جاتقان بالانى ءتۇسىرىپ، كەرەمەت تۋىندى جاساۋ ءۇشىن عانا قولدانادى. ونىڭ قينالىپ جاتقان بالانى اش كوزدىكپەن اڭدىپ تۇرعان جىرتقىشتان ەش ايىرماسى جوق"، دەپ جازعان.

ءيا، بۇل سۋرەت كيەۆين كارتەرگە اقشا مەن اتاق اكەلدى. ماسەلەن، وسى سۋرەتى ءۇشىن ول اتاقتى "پۋليتسەر" سىيلىعىن الدى. الايدا وسى سىيلىقتى العاننان كەيىن ءۇش ايدان سوڭ كيەۆين كارتەر ءولىم اۋزىندا جاتقان ءسابيدى قۇتقارماعانىنا قاتتى وكىنىپ، 1994 جىلى 27 شىلدەدە 33 جاسىندا وزىنە-وزى قول جۇمسايدى.

دەرەك كوزى: wikipedia.org

دايىنداعان: ميات كاشىباي