قازاقستاندىق Scat اۋە كومپانياسى 3 ماۋسىمنان باستاپ نۇر-سۇلتان - ۇلان-باتىر باعىتى بويىنشا تىكەلەي اۋە قاتىناسىن ىسكە قوسادى دەپ حابارلايدى Qamshy.kz اقپارات اگەنتتىگى.
بۇل تۋرالى ق ر ءسىم باسپا ءسوز حاتشىسى ايبەك سمادياروۆ سىرتقى ىستەر مينيسترلىگىندە وتكەن بريفينگتە حابارلاعان.
"قازاقستان مەن مونعوليا اراسىنداعى جاڭا حالىقارالىق رەيستىڭ اشىلۋى ساياسي جانە ساۋدا-ەكونوميكالىق قاتىناستاردى ىلگەرىلەتۋگە، ءتۋريزمدى دامىتۋعا جانە مادەني-گۋمانيتارلىق الماسۋدى نىعايتۋعا، ەكى ەلدىڭ بيزنەس-قۇرىلىمدارى اراسىنداعى ىسكەرلىك بايلانىستاردى تەرەڭدەتۋگە ىقپال ەتەدى"، - دەدى ا. سمادياروۆ.
تۇراقتى ۇشۋلار Boeing 737 اۋە كەمەسىندە ءار بەيسەنبى جانە جەكسەنبى سايىن ورىندالاتىن بولادى. رەيستىڭ ۇزاقتىعى ءبىر جاققا 3 ساعاتتى قۇرايدى.
ۇسىنعان: ماقپال سەمباي
