رەسەي پرەزيدەنتى ۆلاديمير پۋتين تۇركيا باسشىسى رەجەپ تايىپ ەردوعانمەن تەلەفون ارقىلى سويلەستى دەپ حابارلايدى Qamshy.kz اقپارات اگەنتتىگى كرەملدىڭ باسپا ءسوز قىزمەتىنە سىلتەمە جاساي وتىرىپ.
"رەسەي فەدەراسياسى پرەزيدەنتى ۆلاديمير پۋتين مەن تۇرىك رەسپۋبليكاسىنىڭ پرەزيدەنتى رەجەپ تايىپ ەردوعان تەلەفون ارقىلى سويلەستى. سيرياداعى جاعدايدى تالقىلاۋ جالعاسىن تاپتى. سونداي-اق، اسكەري-تەحنيكالىق سالادا ىنتىماقتاستىقتى ەكى جاقتى دامىتۋ ماسەلەلەرى تالقىلاندى"، - دەلىنگەن حابارلامادا.
مەملەكەت باسشىلارى يدليبدەگى بىرلەسكەن جۇمىستاردى كۇشەيتۋدىڭ ماڭىزدىلىعىن، ونىڭ ىشىندە تەرروريستىك توپتاردى بەيتاراپتاندىرۋ شارالارىن كۇشەيتۋ قاجەتتىلىگىن اتاپ ءوتتى.
ءسوز سوڭىندا، ەكى ەل كوشباسشىلارى مەملەكەتتىك بايلانىستاردى ودان ءارى نىعايتۋ جونىندە ۋاعدالاستى.
دايىنداعان: داۋرەن سىبانباي
