"ۆلاديمير ۆلاديميروۆيچ پۋتينمەن كييەۆتە تانىستىم. مەنى پرەزيدەنت كۋچمانى (لەونيد كۋچما - ۋكراينانىڭ ەكىنشى پرەزيدەنتى) ۇلىقتاۋ سالتاناتىنا جىبەرگەن بولاتىن، ول كەزدە ۆلاديمير ۆلاديميروۆيچ پۋتين جاڭادان پرەمەر-مينيستر، رەسەي فەدەراسياسى ۇكىمەتىنىڭ ءتوراعاسى بولىپ تاعايىندالعان"، - دەدى قازاقستان باسشىسى.

توقايەۆ ۋكراينا پرەزيدەنتىن ۇلىقتاۋ سالتاناتىندا پۋتينمەن بىرنەشە مينۋت سويلەسكەنىن ەسكە الدى.

"سول كەزدىڭ وزىندە ول (ۆلاديمير پۋتين - Sputnik) ماعان سابىرلى بولمىسىمەن جاقسى اسەر قالدىردى. كەيىن ول رەسەي پرەزيدەنتى مىندەتىن ۋاقىتشا اتقارۋشى بولعان كەزدە كرەملدە كەزدەستىك، سودان بەرى بايلانىسىمىز ۇزىلگەن ەمەس"، - دەپ حابارلادى توقايەۆ.

قازاقستان پرەزيدەنتىنىڭ پىكىرىنشە، مەملەكەتارالىق قاتىناستار ونسىز دا جاقسى بولعانىنا قاراماستان، جەكە قارىم-قاتىناس وتە ماڭىزدى.

"مەنىڭ رەسەي باسشىلىعىمەن، ەڭ الدىمەن، ارينە، ۆلاديمير پۋتينمەن قاتىناسۋعا مۇمكىندىگىم بولادى دەپ ويلايمىن، وعان شىن قۇرمەتپەن قارايمىن"، - دەپ مالىمدەدى توقايەۆ.

ايتا كەتۋ كەرەك، قاسىم-جومارت توقايەۆ قازاقستان پرەزيدەنتى رەتىندەگى العاشقى شەتەلگە ساپارىن رەسەيگە جاسادى. ماسكەۋگە ساپارى 3-4 ساۋىردە ءوتتى. توقايەۆ ءوزىنىڭ العاشقى رەسمي ساپارىنىڭ تەرەڭ سيمۆولدىق ءمانى بار ەكەنىن جانە ەكى ەل اراسىنداعى قارىم-قاتىناس ەرەكشە مارتەبەگە يە ەكەنىن اتاپ ءوتتى.