اۋىر دەرتكە شالدىققان بەلگىلى سپورت ءجۋرناليسى گالينا پوليەۆايانىڭ تۇركيادا ەمدەلىپ جاتقانىنا جارتى جىلداي ۋاقىت بولدى دەپ حابارلايدى Qamshy.kz اقپارات اگەنتتىگى «حابار 24» تەلەارناسىنا سىلتەمە جاساپ.
وسى ارالىقتا دارىگەرلەر ناۋقاستىڭ سۇيەك كەمىگىن اۋىستىرىپ، ءتۇرلى مەديسينالىق كومەك كورسەتتى.
«ءقازىر گالينانىڭ جاعدايى ءبىرشاما جاقسى، ەندى ەكى اياعىنان تۇرىپ كەتۋ ءۇشىن كۇردەلى وپەراسيا قاجەت»، – دەيدى ماماندار.
كۇردەلى وتا جاساتۋ ءۇشىن قىرۋار قاراجات كەرەك ەكەنى تۇسىنىكتى. ناۋقاستىڭ ەت-جاقىندارى جانە دوستارى، ەگەر ءاربىر ازامات ءوز مۇمكىندىگىنشە كومەك قولىن سوزسا، بۇل قيىندىقتى دا ەڭسەرەتىندەرىنە سەنىمدى.
الەكسەي ني، گ.پوليەۆايانىڭ دوسى: - ءبىز، زىلتەمىرشىلەر وسى كۇنگە دەيىن گاليناعا قولداۋ كورسەتكەن بارشا ادامدارعا العىس ايتا وتىرىپ، ءالى دە مۇمكىندىكتەرىڭىز بولىپ جاتسا، كومەك كورسەتۋلەرىڭىزدى سۇرايمىز. ەگەر وپەراسياعا قاجەتتى قارجى تابىلىپ جاتسا، ءبارى دۇرىس بولادى دەگەن ويدامىن.
ول «حابار» ارناسىندا ءجۇرىپ قىسقى جانە جازعى وليمپيادالاردىڭ باسى-قاسىنان كوپتەگەن رەپورتاجدار جاسادى. قازاقستاندىق سپورتشىلاردىڭ ەلگە تانىلۋىنا ۇلكەن ۇلەس قوستى. سپورتتىق جۋرناليستيكادا وزىندىك قولتاڭباسى بار.
«مۇنداي بىلىكتى مامان ارامىزعا قايتا ورالىپ، ەل سپورتىنىڭ جەتىستىكتەرىن ناسيحاتتاۋى ءتيىس»، – دەيدى وليمپيادا چەمپيونى جاقسىلىق ۇشكەمپىروۆ.
جاقسىلىق ۇشكەمپىروۆ، وليمپيادا چەمپيونى: - قولىمنان كەلگەنشە سۇحباتتاسىپ، قولىمنان كەلگەنشە وعان كومەكتەسۋگە تىرىسامىن. ءبارىمىز دە اتسالىسامىز عوي. كىمنىڭ باسىنا نە كەلمەيدى. سوندىقتان دا بۇكىل قازاقستاندىقتارعا، بۇكىل جاستارعا، سپورتشىلارىمىزعا ايتارىم، قولىنان كەلگەنشە جاقسىلىق جاساعان جاقسى.
بۇعان دەيىن دە گالينا پوليەۆاياعا ارنالعان كوپتەگەن قايىرىمدىلىق ءىس-شارالارى وتكەن بولاتىن. وعان ەلىمىزگە بەلگىلى سپورت جۇلدىزدارى قاتىسىپ، بارلىعى شىن ىقىلاس-نيەتتەرىن ءبىلدىرىپ جاتتى.
يليا يلين، وليمپيادا چەمپيونى: - مەنى گالينا پوليەۆايا ارقىلى كوپ ادام ەستىپ-بىلدى. كەيدە جارىستان كەيىن سۇحبات بەرۋگە مۇلدە زاۋقىڭ سوقپايدى. ويتكەنى قاتتى شارشايسىڭ. وسىنداي ساتتەردە گالينا سپورتشىنىڭ ءتىلىن تابا بىلەتىن. ونىڭ وسىنداي كەرەمەت قاسيەتتەرى مەنىڭ ءالى ەسىمدە.
جاقسىلىق جاساۋعا اسىعىپ تۇراتىن جاندار از ەمەس. قايىرىمدىلىق شارالارىنىڭ ناتيجەسىندە 60 مىڭ اقش دوللارى كولەمىندە قارجى جينالعان. ءبىراق بۇل سوما كۇردەلى وپەراسياعا جەتكىلىكسىز كورىنەدى. گالينانىڭ تۋعان-تۋىستارى ءالى دە مەيىرىمدى جانداردان ۇلكەن ءۇمىت كۇتىپ وتىر.
ءجۋرناليستىڭ جانۇياسى الەۋمەتتىك جەلىدە اقشا جيناۋدى جالعاستىرۋدا. فەيسبۋكتەگى "گالينا پوليەۆايا ءومىر ءسۇر" جانە Instagram جەلىسىندەگى @mama_zhivi پاراقشاسىندا بارلىق ەسەپتەر مەن الدا وتەتىن جارمەڭكەلەردىڭ، وزگە دە ءىس-شارالاردىڭ جوسپارى جانە قاجەتتى رەكۆيزيتتەر جازىلعان.
Halyk bank (تگ): 4390 8722 0191 7707 Kaspi Gold (تگ): 5169 4931 6910 9462 سبەربانك ($): 5392 1500 0135 2044
پىكىر قالدىرۋ