3 ماۋسىمدا پوليسياعا قىزىلجار اۋىلىندا تۇراتىن ايەل شاعىم ءتۇسىردى. ونىڭ ايتۋىنشا، تاكسي جۇرگىزۋشىسى توناپ، زورلاماق بولىپتى دەپ حابارلايدى Qamshy.kz اقپارات اگەنتتىگى كتك ارناسىنىڭ سايتىنا سىلتەمە جاساي وتىرىپ.

قاسكۇنەم تەلەفون مەن 92 مىڭ تەڭگەنى تارتىپ العان ەكەن. بىرنەشە ساعاتتان كەيىن ءتارتىپ ساقشىلارى كولىكتىڭ ماركاسىن ناقتى انىقتاپ، كۇدىكتىنى قولعا ءتۇسىردى. ايەلدەردى توناعان ەر ادام اششىساي اۋدانىنىڭ 27 جاستاعى تۇرعىنى بولىپ شىقتى.

"تەكسەرىس بارىسىندا ۇستالعان ازاماتتىڭ تاعى ءبىر قىلمىسقا قاتىسى بار بولىپ شىقتى. ول بيىل مامىردا ەسىك قالاسىندا تۇراتىن جاس قىزدى توناعان. ەكى جاعدايدا دا كۇدىكتى اۋەلى ايەلدەردى زورلاماق بولىپتى، ءبىراق ولار قاتتى قارسىلىق كورسەتكەن. ارتىنشا، زەرگەرلىك بۇيىمدارىن، ۇيالى تەلەفوندارى مەن اقشالارىن الىپ قويعان" — دەپ حابارلادى باسپا ءسوز قىزمەتىنىڭ وكىلدەرى.

ءقازىر تاڭدا كۇدىكتى ۋاقىتشا ۇستاۋ اباقتىسىندا وتىر.

ۇسىنعان: بەك بايتاس