مامىر ايىندا ەلىمىزدەگى تۇرعىن ءۇي باعاسى ءوستى دەگەن اقپارات بار. باعا ديناميكاسىنىڭ 2 پايىزدان جوعارى كورسەتكىشى تەك تالدىقورعان قالاسىندا تىركەلگەن. بۇل شاھارداعى باعا يندەكسى 178 025 تەڭگەنى (+2،1) قۇرادى.

قاڭتار ايىنان بەرى تومەندەپ كەتكەن باعا كولەمى ەندى عانا قالپىنا كەلىپ وتىر. بيىل وڭىرلەر اراسىندا دا شارشى مەتر ءۇشىن تولەنەتىن پۇلدىڭ قۇنى جارىسقا تۇسكەندەي.

وسى ۋاقىتقا دەيىنگى مەجەمەن سالىستىرساق، پاۆلودار قالاسى تۇرعىن جايدىڭ شارشى مەترى ءۇشىن 179 250 تەڭگەنى قۇرادى. 1،7 پايىزعا وسكەن بۇل شاھارداعى اتالمىش كورسەتكىش "رەكوردتىق" دەپ اتالدى. باعا ديناميكاسى بۇل ايماقتا اۋىز تولتىرىپ ايتۋعا كەلىڭكىرەمەيدى. دەگەنمەن، ەكى جىل بويى ساقتالىپ كەلە جاتقان تۇراقتىلىق بار.

ال تاراز قالاسىندا پاتەرلەردىڭ شارشى مەترى 157 600 تەڭگەگە باعالانىپ، بۇل كورسەتكىشى 1،5 پايىزعا دەيىنگى ءوسۋ بايقالعان. ال ەلوردادا ساتۋشىلار تۇرعىن جايدىڭ شارشى مەترىن ورتا ەسەپپەن 330 950 تەڭگەگە باعالاعان. بۇل باعا كورسەتكىشى الدىڭعى ايمەن سالىستىرعاندا 1،4 پايىزعا قىمبات. باس قالاداعى باعا ديناميكاسى ءجيى اۋىسىپ تۇرادى. بۇل قالاداعى ينفراسترۋكتۋرانىڭ قارقىندى دامۋىمەن بايلانىستى. دەگەنمەن، ءىرى وزگەرىستەر جوق. بەس ايداعى ورتاشا ەسەپ ، ورتاشا كورسەتكىش 330 103 تەڭگەگە تەڭ. 1،4 پايىزدىق ءوسىم كورسەتكىشى وسكەمەن قالاسىندا دا تىركەلگەن.

باعا كولەمىنىڭ ەڭ تومەنگى مەجەلەردىڭ ءبىرى سەمەي قالاسىندا تىركەلگەن. مامىر ايىنداعى ءوسىم كولەمى 1،1 پايىزعا تەڭ بولسا، تۇرعىن جايدىڭ ءبىر شارشى مەترى 169 950 تەڭگەنى قۇرايدى.

شىمكەنتتەگى ءوسىم كولەمى – 0،8 پايىز. ال پاتەردىڭ شارشى مەترىنە 229 575 تەڭگە تولەۋ شارت. ال كوكشەتاۋدا ايماقتىق رەكورد وزگەردى. پايىزدىق كورسەتكىشى – 0،8 پايىز. رەكوردتى كورسەتكىشكە بالانعان باعا – 198 475 تەڭگە.

اقتاۋ جانە قىزىلوردا قالالارىندا باعا ديناميكالارى 0،7 جانە 0،5 پايىزدى قۇرايدى. بۇل اقشاعا شاققاندا 199 675 جانە 136 375 تەڭگەگە تەڭ بولادى. اتالعان ايماقتارداعى باعانى تۇراقتىلىعى كورىنىپ تۇر. ال اقتوبە جانە ورال قالالارىندا جاعداي مۇلدە وزگەرمەگەن دەسەك بولادى. باعا يندەكسى – 0،3 جانە 0،6 پايىز. پايىزدىق كورسەتكىشتەر قاراجاتقا اينالعاندا، پاتەر جايدىڭ شارشى مەترىنىڭ قۇنى 148 225 جانە 184 900 تەڭگەنى قۇرايدى.

اتىراۋ قالاسىنىڭ باعا يندەكسى مامىر ايىندا جىل باسىنداعى مەجەسىنە قايتا كەلدى. بۇل ايماقتاعى پاتەرلەردىڭ شارشى مەترى 258 525 تەڭگە تۇرادى. ال قاراعاندىدا 0،7 پايىزعا دەيىنگى ءوسىم بار. ءقازىر ەلىمىزدىڭ ورتالىق قالاسىندا تۇرعىن جايدىڭ ءبىر شارشى مەترى 204 350 تەڭگەگە باعالانىپ وتىر.

باعا يندەكسىنىڭ ءوسۋى مەن تومەندەۋى ايماقتارداعى تۇرعىن جايلاردىڭ سالىنۋىنا، ينفراسترۋكتۋرانىڭ دامۋ قارقىنى ارتۋىنا بايلانىستى. الماتى قالاسىنداعى باعا يندەكسى ءساۋىر ايىنا قاراعاندا 0،5 پايىزعا تومەندەپ، تۇرعىن جايلاردىڭ شارشى مەترى 378 100 تەڭگەگە باعالانۋدا.

باعا تومەندەۋىنىڭ ەڭ شەكتىك مەجە كورسەتكىشىنە يە بولعان ايماقتار – قوستاناي جانە پەتروپاۆل قالالارى.

جالپى قالالارداعى باعانىڭ ءوسۋ پايىزى - 0،4 پايىز. الداعى ۋاقىتتا ماڭىزدى وزگەرىستەر بولمايدى دەپ كۇتىلۋدە.