2019 جىلدىڭ 28 مامىرىندا وتكەن اقش-تىڭ ۆيردجينيا شتاتىنىڭ فەرفاكس وكرۋگتىك سوتى مۇحتار ءابىليازوۆتىڭ اپكەسى گ.قۇسايىنوۆاعا قارسى بىرلەسكەن "بتا بانكى" اق جانە سىرتقى باسقارۋشىلار پايداسىنا 6،598،313 اقش دوللارى مولشەرىندەگى اكتيۆتەردى قالپىنا كەلتىرۋ تۋرالى شەشىم شىعاردى دەپ حابارلايدى Qamshy.kz اقپارات اگەنتتىگى "بتا بانكى" اق باسپا ءسوز قىزمەتىنە سىلتەمە جاساي وتىرىپ.
ارىز وليگارح مۇحتار ءابليازوۆتىڭ تۋعان اپكەسى – گاۋحار قۇسايىنوۆاعا قاتىستى قارالعان.
ارىز سوتقا 2016 جىلدىڭ ماۋسىم ايىندا بەرىلگەن ەكەن. تالاپتاردا قۇسايىنوۆاعا قاتىستى شىعىندى وتەۋ جانە بتا-نىڭ وزگە دە تالاپتارىن قاناعاتتاندىرۋ تۋرالى كورسەتىلگەن.
سوت ءابليازوۆقا اكتيۆتەردى ۇرلاۋعا كومەكتەسۋ جونىندەگى ارەكەتتەردى زاڭسىز دەپ تانىدى.
"ءابليازوۆ بتا-عا قارسى باسقا دا الاياقتىق ارەكەتتەرمەن قاتار، بتا-دان ۇرلانعان اقشا قاراجاتىنىڭ 6 ملن دوللار كولەمىندەگى بولىگىن قۇسايىنوۆاعا زاڭسىز جولمەن جىبەرگەن. الىنعان اقشا قاراجاتىن قۇسايىنوۆا جەكە ماقساتتا، سونىڭ ىشىندە اقش-تا بىرنەشە ليۋكس جىلجىمايتىن مۇلىك نىساندارىن ساتىپ الۋعا پايدالانعان"، - دەلىنگەن قارجى ۇيىمىنىڭ حابارلاماسىندا.
ءىس 2016 جىلى قۋدالاۋدا جۇرگەن كاسىپكەردىڭ اكتيۆتەرىن "سىرتقى باسقارۋشىلار" دجون ميلسوم مەن ديەۆيد ستەنديش سوتقا وسىعان ۇقساس تالاپتارمەن جۇگىنگەن سوڭ بىرىكتىرىلدى.
ارىز قاناعاتتاندىرىلعان سوڭ ورتاق تالاپكەرلەرگە قۇسايىنوۆانىڭ 6،6 ملن دوللارعا باعالاناتىن فەرفاكس جانە الەكساندريا اۋماعىندا ورنالاسقان جىلجىمايتىن مۇلىگىن ۇستاپ تۇرۋ قۇقىعى بەرىلدى.
كورسەتىلگەندەي، بتا بانكىنىڭ پايداسىنا قابىلدانعان بۇل شەشىم – ءابليازوۆ ۇرلاعان اكتيۆتەردى قايتارۋ بويىنشا تاعى ءبىر ماڭىزدى قادام.
پىكىر قالدىرۋ