بۇل الەۋمەتتىك توپتىڭ نەگىزگى ماقساتىنىڭ ءبىرى ءسىزدىڭ بويىڭىزداعى كەمشىلىكتى بەتكە باسىپ، ەل الدىندا مازاق ەتۋ. دەسە دە پسيحولوگتار مۇنى ايىقپاس دەرتكە بالاپ، ونىڭ ەمىنىڭ جوق ەكەنى ايتادى. سونىمەن "حەيتەرلەر" دەگەن كىم؟ بۇل تۋرالى Qamshy.kz اقپارات اگەنتتىگى ەۋرازيا ءبىرىنشى ارناسىنىڭ زەرتتەۋىنە سۇيەنە وتىرىپ جازادى. 

«فۋۋۋۋ، سەنى جەك كورەم!».
«نە مىنا ءتۇرىڭ؟»، «ۇستىڭە نە كيىپ العانسىڭ؟»، «الباستى...»، «اقىماق، نە ءان اناۋ؟...». "مۇنداي جاعىمسىز سوزدەردى شوۋ-بيزنەس وكىلدەرى، تانىمال تۇلعالار، وكىنىشكە قاراي، الەۋمەتتىك جەلىلەردە ءجيى وقيدى، ەستيدى. ءتىپتى، وزدەرىن جان-جاقتان جۇنشە ءتۇتىپ، تالاپ جاتقانداردىڭ ىس-ارەكەتىنەن كۇيزەلىسكە ءتۇسىپ، ەمدەلەتىندەرى بار ەكەن. جالپى، "حەيتەرلەر" دەگەن كىم؟. ولاردىڭ كوزدەگەنى نە؟. بۇگىن وسىنىڭ بايىبىنا بارىپ كورمەكپىز".

بۇل كۇندە ەلىمىزدە «حەيتەرلەر» دەگەن توپ پايدا بولدى. كادىمگى ينستا الەمدە ءومىر سۇرەتىندەر. ولاردىڭ نىساناسى -  حالىق الدىندا جۇرگەن انشىلەر مەن ارتىستەر. تانىمال بلوگەر ارشات ورازدىڭ سوزىنشە، مۇنداي اگرەسسيۆتى توپ بۇرىن دا بولعان. تەك قازىرگى حەيتەرلەردىڭ كوزدەگەن بولەك ماقساتتارى بار ەكەن. 

"ينتەرنەتتىڭ ءوزى دە ءبىر الەم عوي. ونلاين ءومىر. وندا نەشە ءتۇرلى كەيىپكەرلەر بولادى. قولدان جاسالعان كەيىپكەرلەر دە بولادى. بۇرىن ترولدەر بولاتىن، ءقازىر حەيتەرلەر شىقتى.  +0104 حەيتەرلەردىڭ ترولدەردەن ءبىر ايىرماشىلىعى - ولاردىڭ ناقتى ءبىر نىساناسى بار.  +0122 پيار ءۇشىن  قولدانۋى مۇمكىن. حەيتەردى قازاقشا ايتاتىن بولساق، كورەاۋماشىلىق دەگەندى بىلدىرەدى. مىسالى، ءسىزدىڭ ءبىر حەيتەرىڭىز بولسا، دەمەك ءسىز تابىستى ادامسىز" - دەيدى بلوگەر ارشات وراز.

ينستا كەيىپكەرلەردىڭ شوۋ-بيزنەس وكىلدەرىنىڭ ومىرىنە كىرگەنى سونشالىقتى، ولار داتتاۋشىلارمەن جاپپاي كۇرەسۋدە. ءتىپتى، حەيتەرلەگە  بولەك ءان ارناعاندارى بار. 

تانىمال ءانشى بۇركىت الەم جەلىدە داتتايتىندار مەن جاقتايتىنداردان، ميعا قونىمسىز دۇنيەلەر جازاتىنداردان ابدەن شارشاعانىن ايتادى.  سوندىقتان بولسا كەرەك، ولارعا ارنايى كليپ تۇسىرگەن. ءقازىر ەتى ۇيرەنگەنى سونشالىقتى، جازعان سوزدەرىنە نازار اۋدارمايمىن دەيدى. 

بۇركىت، ءانشى:
"5 پايىزى ەندى حەيتەرلەر دەپ ايتسام بولادى. ءبىراق، ونسىز ءومىر قىزىق ەمەس شىعار. ينستاگرام پاراقشاسىن اشىپ جامان سوزدەردى جازىپ، وزدەرىنە كىرىپ كورەسىن. كىم ەكەن دەپ؟ ول جەردە نە سۋرەتى جوق، نە ادامدارى دا جوق! +9180-01//0003 حەيتەرلەر ءارقاشاندا بولادى، بولعان دا ولارسىز ءومىر قىزىق ەمەس شىعار!". 

ال پسيحولوگتار مۇنداي جاعىمسىز پىكىر جازۋدان شارشامايتىن ادامداردىڭ بويىندا اۋىتقۋ بار ەكەنىن ايتادى. ويتكەنى  حەيتەرلەردىڭ كوبەيۋىنە ولاردىڭ تۇرمىستىق جاعدايىنىڭ ءماز ەمەستىگى دە اسەر ەتەتىن كورىنەدى. ءوز ومىرىنە كوڭىلى تولماۋ، قىزعانىش، كۇندەستىك وندايلاردى وسىنداي جاعىمسىز قادامعا  يتەرمەلەۋدە ەكەن. 

اقگۇل مولدابەكوۆا، پسيحولوگ: 
"قازىرگى تاڭدا 90 جىلدارداعى كريزيس دەپ قاراستىرىلادى عوي. جالپى كەز-كەلگەن جاستى، كارىسىن الىپ قارايتىن بولساق، بويىندا اگرەسسيانىڭ باسىم ەكەنىن بايقاۋعا بولادى. الەۋمەتتىك جەلىگە توقتالاتىن بولساق، سەبەبى الەۋمەتتىك جەلىگە جازۋ جەڭىل بولىپ كەلەدى. ودان بولەك كەز-كەلگەن اتپەن تىركەلىپ ءوز ويىنداعى سىرتقى كوزدى كانىلاۋعا جەڭىل عوي، سونى بەرىپ تۇرادى".

وسىلايشا ماماندار، ينستا الەمدەگى كەيىپكەرلەردىڭ سوزدەرىنە قۇلاق اسپاعان ءجون دەيدى. ويتكەنى، ولار نىساناعا العان ادامى كۇيزەلىسكە تۇسكەن سايىن، ودان ءلاززات الادى ەكەن. "ال، مۇنداي جانداردى ءوشىرۋدىڭ باستى امالى - ايتقاندارى مەن جازعاندارىن مۇلدەم ەلەمەۋ" دەيدى ساراپشىلار.