الماتىدا ءتورت كۇننەن بەرى 19 جاستاعى ستۋدەنت نۋرا ءال ناكاۋانى ىزدەستىرىپ جاتىر حابارلايدى Qamshy.kz اقپارات اگەنتتىگى.
Instagram الەۋمەتتىك جەلىسىندە @_volontery_almaty_lider.kz ىزدەۋ توبىنىڭ پابليگى مالىمەتىنشە، قىز 7 ماۋسىمدا جوعالىپ كەتكەن. ول وربيتا-4 ىقشاماۋدانىنداعى ۇيدەن 17:00-دەن شىققان.
الماتى پوليسيا دەپارتامەنتى باسپا ءسوز قىزمەتىنىڭ وكىلدەرى 19 جاستاعى نۋرا ءال ناكاۋانىڭ جوعالعانى تۋرالى ارىز بوستاندىق اۋداندىق پوليسيا باسقارماسىنا تۇسكەنىن حابارلادى. 8 ماۋسىمدا قۇقىق قورعاۋ ورگاندارىوكىلدەرىنىڭ مالىمەتىنشە، ول ەل اۋماعىنان شىعىپ كەتكەن. "جوعالۋ دەرەگى بويىنشا ازاماتشا قىرعىزستانمەن شەكارادان وتكەنى بەلگىلى بولدى. قىز كامەلەتكە تولعان. قازىرگى ۋاقىتتا قازاقستان اۋماعىندا ىزدەۋ جۇمىستارى توقتاتىلدى"، - دەدى الماتى قالالىق پد باسپا ءسوز قىزمەتىنىڭ وكىلدەرى.
اناسىنىڭ ايتۋىنشا، قىزى باا-دەن كەلگەن كۇنى جوعالىپ كەتكەن. "نۋرا، ەگەر سەن ءبىزدىڭ حابارلامامىزدى كورىپ وتىرساڭ، ۇيگە ورالشى، بارلىعى تۋرالى سويلەسەمىز، ءبىز سەن ءۇشىن ۋايىمداپ وتىرمىز"، - دەدى جوعالىپ كەتكەن قىزدىڭ اناسى گۇلزادا توعايبايەۆا.
پىكىر قالدىرۋ