جۇرتتى ىس-ارەكەتىمەن شۋلاتقان وگەي انا سوت الدىندا جاۋاپ بەردى. سوت پروسەسى تۇركىستاندا قارالىپ جاتىر دەپ حابارلايدى Qamshy.kz اقپارات اگەنتتىگى "وتىرار" cىلتەمە جاساپ.
وعان ق ر قىلمىستىق كودەكسىنىڭ ەكى بابى بويىنشا ايىپ تاعىلعان. اتالمىش باپتارعا سايكەس ول 7 جىلعا دەيىن باس بوستاندىعىنان ايىرىلۋى مۇمكىن.
ەسكە سالايىق، جەتىسايدا 28 جاستاعى ايەل ۇرىمدەي ءۇش قىزعا قورلىق كورسەتكەن ەدى. ول قورلىق تاسىلدەرىن ارنايى داپتەرگە جازىپ جۇرگەن. وقۋشى قىزداردىڭ دەنەسىندەگى سوققىدان قالعان ىزدەرىن بايقاعان مەكتەپ ۇستازدارى ءتيستى ورگانعا حابارلاپ، زورلىق-زومبىلىقتىڭ بەتىن اشۋعا سەپتىگىن تيگىزگەن بولاتىن.
قوعامدا ۇلكەن رەزونانس تۋعىزعان وقيعادان كەيىن وگەي انا شۇعىل تۇردە ءۇي قاماعىنا الىندى. ونىڭ كامەلتكە تولماعان بالاسىنىڭ بارى سوت سانكسياسىندا ەسكەرىلگەن. قورلىق كورگەن ءۇش قىز شىمكەنتكە ارنايى وقشاۋلاۋ ورتالىعىنا الىنعان. كەزەكتى سوت وتىرىسى 17 ماۋسىمدا وتەدى دەپ جوسپارلانعانىپ وتىر.
پىكىر قالدىرۋ