يتالياداعى وپپوزيسيونەر تۇرعىمباي ەرجان قازاقستان رەسپۋبليكاسى ۇلتتىق سپورت تۇرلەرى قاۋىمداستىعىنىڭ پرەزيدەنتى بەكبولات تىلەۋحاندى تىكەلەي ەفيردە سۇحباتتاسۋعا شاقىردى دەپ جازادى Qamshy.kz اقپارات اگەنتتىگى. 

وسىعان دەيىن مۇحتار شاحانوۆتى پىكىر الماسۋعا شاقىرعان وپپوزيسيونەر، شاحانوۆتان جاۋاپ كەلمەي جاتىپ بەكبولات مىرزانى دا تىكەلەي ەفير ارقىلى سۇحباتتاسۋعا شاقىردى. بەكبولات تىلەۋحاننىڭ سايلاۋدان كەيىنگى پىكىرىنىڭ بەينەماتەريالىمەن باستالاتىن ۆيدەونى تۇرعىمباي ەرجان Youtube ارناسىندا جاريالاعان. 

"اسسالاۋماعالەيكۋم بەكبولات ءىنىم! ءىنىم دەسە دە بولادى، قۇرداس دەسەم دە بولادى. ەكەۋىمىز جاستىمىز نەگىزى. جارايدى، ول ماڭىزدى ەمەس. مەن ءسىزدىڭ مونولوگىڭىزدى تىڭدادىم، الدىندا ايتقاندارىڭىزدى دا باقىلاپ جۇرەمىن. اراسىندا كەلىسەتىن جەرىمدە بار، كەلىسپەيتىن دە جەرىم بار. كەيبىر مەن ءۇشىن تۇسىنىكسىز سۇراقتار بار. مەنىڭ ارنامدا پىكىر تالاستىرساق. جاقىن عانا رينات زايتوۆپەن دە پىكىر الماستىق. ءبىراز تاجىريبە جيناعانداي بولدىم.ءوزىم ءوندىرىستىڭ ادامىسىن. ماعان ونەر ادامدارىمەن ارالاسقان دۇرىس سەكىلدى. سىزدەر جەكە پىكىر ەمەس، حالىقتىڭ پىكىرىن ايتاتىن جانسىزدار عوي. سىزدەردىڭ ويلارىڭىز مەن ءۇشىن ماڭىزدى. ارالاسىپ دەگەندەي، مادەنيەتىمدى، سانا-سەزىمىمدى كوتەرىپ دەگەندەي. مەنەن گورى حالىققا قىزىق بولاتىن سەكىلدى اڭگىمەمىز. كوپكە سوزباي، جاۋاپ بەرسەڭىز. ءسىزدى كۇتەمىن."،- دەيدى وپپوزيسيونەر تۇرعىمباي ەرجان.