نۇر-سۇلتان قالاسىنىڭ ەسىل وزەنىندە 42 قاباتتىق قوس مۇناراسى بار الىپ كوپىر سالىنادى دەپ حابارلايدى Qamshy.kz اقپارات اگەنتتىگى.
بۇل تۋرالى نۇر-سۇلتان قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسى فەيسبۋكتەگى پاراقشاسىندا.
"تريالتون ساياباعى" مەن "جەتىسۋ" ساياباعىنىڭ اۋدانىندا، ەسىلدىڭ بويىندا سالىنادى دەپ جوسپارلانعان "TriathlonTowers" اتتى جاڭا جوبا – قالانىڭ ەڭ كورىكتە جەرلەرىنىڭ ءبىرى بولادى دەپ سەنەمىز. سونىمەن قاتار، جاڭا قۇرىلىس قالا ارحيتەكتۋراسىمەن كەرەمەت ۇيلەسىم تابادى.
ەرەكشە ارحيتەكتۋراسىنىڭ ارقاسىندا بۇل جوبا ەلوردانىڭ تۋريستىك نىساندارىنىڭ بىرىنە اينالىپ، ول جەردەن قالانىڭ بارلىق كورىكتى جەرلەرىن كورە الاسىزدار. ول ەسىلدىڭ ەكى جاعالاۋىن جالعاپ تۇرعان جۇرگىنشىلەر، كولىك جانە ۆەلوسيپەد جولدارىنا ارنالعان سۋ ۆوكزالى بولادى.
بۇل – پاتەرلەر، ءقوناقۇي، كەڭسەلەر مەن كولىك تۇراعى بار كوپفۋنكسيالى تۇرعىن ءۇي كەشەنى. جوبا اۆتورى - BENOY LTD كومپانياسىنىڭ لوندون ساۋلەت بيۋروسى.
Triathlon Towers بيىكتىگى - 42 قابات. قالا قۇرىلىسى كەڭەسىندە جوبا جونىندە الدىن الا كەلىسىم جاسالدى" دەلىنگەن جازبادا.
پىكىر قالدىرۋ