نۇرلان نوعايەۆ قوناق ۇيلەر مەن ويىن-ساۋىق ورتالىقتارىندا ءورت قاۋىپسىزدىگى ەرەجەلەرىنىڭ ساقتالۋىن تەكسەرۋدى تاپسىردى دەپ جازادى Qamshy.kz اقپارات اگەنتتىگى.

بۇگىن، 17 ماۋسىمدا، اپپارات جينالىسى بارىسىندا اتىراۋ وبلىسى اكىمى نۇرلان نوعايەۆ قىزمەت كورسەتۋ سالاسىندا جۇمىس ىستەيتىن بارلىق نىسانداردا ورتكە قارسى قاۋىپسىزدىك ەرەجەلەرىنىڭ ساقتالۋىن تەكسەرۋدى تاپسىردى، دەپ حابارلايدى اتىراۋ وبلىسىنىڭ وڭىرلىك كوممۋنيكاسيالار قىزمەتى.

جينالىستا 16 ماۋسىم كۇنى رايحان قوناق ۇيىندە بولعان ءورت تۋرالى ماسەلە كوتەرىلدى. ءورت كەزىندە 34 ادام ەۆاكۋاسيالاندى، ونىڭ 32ء-ى جارىسقا كەلگەن بالالار. بارلىعىنا مەديسينالىق كومەك كورسەتىلدى.

"ءبىز قايعىلى جاعدايعا جول بەرمەگەن توتەنشە جاعدايلارعا جەدەل ارەكەت ەتۋ قىزمەتىنىڭ ۇيلەسىمدى جۇمىسىنا، سونداي-اق، بالالاردى كوشىرۋگە بەلسەندى قاتىسقان ازاماتتارعا ريزاشىلىعىمىزدى بىلدىرەمىز. ولار ارامىزدا جۇرگەن باتىرلار. دەگەنمەن، باستى ماسەلە - بۇل ءورتتىڭ شىعۋىنا نە سەبەپ بولدى، باسقا جەردە ورىن الىپ، قايعىلى جاعدايمەن بىتپەۋىنە كىم كەپىل؟ وسى ورايدا كاسىپكەرلەرگە موراتوريي ەنگىزىلدى. كاسىپكەرلەر ءورت قاۋىپسىزدىگى تۋرالى زاڭ تالاپتارىن قاتاڭ ساقتاپ، ادام دەنساۋلىعى مەن ومىرىنە ءقاۋىپ تونبەۋىنە تولىقتاي جاۋاپتى. ءورت قاۋىپسىزدىگىنە بەي-جاي قاراۋعا بولمايدى . بارلىق قوناق ۇيلەر مەن ويىن-ساۋىق ورتالىقتارىن تەكسەرۋ قاجەت"، - دەدى وبلىس اكىمى.