ديماش قۇدايدەرگەن بەلارۋس ەلىندە II ەۋروپا ويىندارىنىڭ اشىلۋ سالتاناتىندا ونەر كورسەتتى دەپ حابارلايدى Qamshy.kz اقپارات اگەنتتىگى.
ەۋروپا ويىندارىنىڭ اشىلۋ راسىمىندە ديماش قۇدايبەرگەن Ogni Pietra (Olympic) اتتى جاڭا ءانىن ورىندادى. جاڭا تۋىندىنىڭ اۋەنىن كومپوزيتور يگور كرۋتوي، ءسوزىن ليليا ۆينوگرادوۆا جازعان.
ديماش ءان شىرقاپ جاتقادا "دينامو" سپورت الاڭىنا ەۋروپا وليمپيادا كوميتەتتەرىنىڭ تۋى شىعارىلدى.
ارنايى قوناق رەتىندە شاقىرىلعان ديماشتىڭ ەرەكشە وبرازى دە كوپشىلىكتىڭ كوزىنە بىردەن تۇسكەنى انىق. قازاق ونەرپازى قازاقتىڭ تۋى بەينەلەنگەن كوك ءتۇستى كيىم كيىپ شىققان.
ەۋروپا ويىندارىنىڭ اشىلۋ سالتاناتىن 25 مىڭ كورەرمەن تاماشالادى. قۇرمەتتى قوناقتاردىڭ ىشىندە كوپتەگەن ەلدىڭ مەملەكەت باسشىلارى مەن حالىقارالىق ۇيىمداردىڭ جەتەكشىلەرى دە بولعان.
II ەۋروپا ويىندارى مينسكىدە 30 ماۋسىمعا دەيىن وتەدى. بايراقتى باسەكەدە سپورتتىڭ 15 تۇرىنەن مەدال ساراپقا سالىنادى. جارىسقا قازاقستاننان قاتىسۋشىلار جوق.
پىكىر قالدىرۋ