ارىستا بولعان جارىلىستار سالدارىنان 19 تۇرعىن ءۇي ورتەندى دەپ حابارلايدى Qamshy.kz اقپارات اگەنتتىگى. بۇل تۋرالى ق ر ىشكى ىستەر ءمينيسترى ەرلان تۇرعىنبايەۆ ۇكىمەت وتىرىسىندا ايتتى.
"قالادا 23 ءورت ءسوندىرۋ تەحنيكاسى جۇمىس ىستەپ جاتىر، 19 تۇرعىن ۇيدە جانە 9 شارۋاشىلىق عيماراتتاردا شىققان ءورت ءسوندىرىلدى، سونداي-اق 14 تابيعي ءورت شىقتى - بۇل جازىقتاعى ءشوپ"، - دەدى مينيستر ەرلان تۇرعىمبايەۆ ۇكىمەت وتىرىسىندا.
قازىرگى ۋاقىتتا سناريادتاردىڭ جارىلۋى مەن ۇشۋىنا بايلانىستى اسكەري بولىمشەنىڭ قويمالارىندا شىققان ءورتتى ءسوندىرۋ مۇمكىن بولماي وتىر ەكەن. حالىقتى ەۆاكۋاسيالاۋ، سونداي-اق قوعامدىق ءتارتىپتى ساقتاۋدى قامتاماسىز ەتۋ ءۇشىن ىشكى ىستەر ورگاندارىنىڭ قىزمەتكەرلەرى مەن ۇلتتىق ۇلاننىڭ اسكەري قىزمەتشىلەرى جۇمىلدىرىلدى. جالپى سانى 1،2 مىڭنان اسا ادام. ايتا كەتەيىك، 24 ماۋسىمدا ارىستاعى اسكەري ءبولىمنىڭ قويماسىندا بىرنەشە جارىلىس بولىپ، قالا تۇرعىندارى تۇگەلىمەن ەۆاكۋاسيالانعان بولاتىن. وقىس وقيعا سالدارىنان 2 ادام قازا تاپتى.
پىكىر قالدىرۋ