الماتى قالاسى مەشىتتەرىنىڭ ۇيىمداستىرۋىمەن «ارىسقا جىلۋ» قايىرىمدىلىق اكسياسى ەرىكتىلەردى شاقىرادى دەپ حابارلايدى Qamshy.kz اقپارات اگەنتتىگى.
بۇل تۋرالى الماتى ورتالىق مەشىتىنىڭ باسپا ءسوز قىزمەتى مالىمدەدى.
"قۇرمەتتى قالا تۇرعىندارى!
سىزدەردى، ارىس قالاسىندا بولعان توتەنشە جاعدايدان زارداپ شەككەن ازاماتتارعا كومەك كورسەتۋ ماقساتىندا الماتى قالالىق مەشىتتەرىندە ۇيىمداستىرىلعان «ارىسقا جىلۋ» اتتى قايىرىمدىلىق اكسياسىنا ۇلەس قوسۋعا شاقىرامىز!
قابىلداناتىن زاتتار:
- ازىق-تۇلىك (بۇزىلمايتىن)
- كيىم-كەشە
- كورپە-توسەك
- گيگيەنالىق زاتتار
- اقشالاي جانە ت.ب.
سونىڭ ىشىندە، قارجىلاي كومەك كورسەتەم دەۋشىلەرگە قالا مەشىتتەرىندە قويىلعان «ارىسقا جىلۋ» اتتى جاشىكتەر قىزمەت كورسەتەدى. ودان بولەك قارجىنى قمدب «زەكەت» كورپوراتيۆتىك قورىنىڭ شىمكەنت قالاسى بويىنشا وكىلدىگىنىڭ ەسەپ شوتىنا اۋدارۋعا بولادى.
قايىرىمدىلىق كەرۋەنى وسى اپتانىڭ سەنبى كۇنى، ياعني 29 ماۋسىم كۇنى الماتى ورتالىق مەشىتىنەن جونەلتىلەتىن بولادى.
دانا حالقىمىز «تاس تۇسكەن جەرىنە اۋىر» دەگەندەي، الماتى جۇرتشىلىعى ارىستاعى اعايىنعا اللادان جەڭىلدىك پەن سابىر تىلەي وتىرىپ، كوڭىل بىلدىرەمىز. اللا تاعالا ەل-جۇرتىمىزدى ءتۇرلى اپاتتاردان ساقتاپ، تىنىشتىعىنان ايىرماسىن.
قمدب «زەكەت» كورپوراتيۆتىك قورىنىڭ شىمكەنت قالاسى بويىنشا وكىلدىگىنىڭ ەسەپ شوتى:
بين: 130441029965KZ 126010291000064130KZTكود-18، كنپ-119بيك: HSBKKZKX
پىكىر قالدىرۋ