ارىس قالاسىنىڭ 150 مەكتەپ وقۋشىلارى جازعى دەمالىسىنىڭ ءبىر ايىن جەتىسۋدىڭ ەڭ كورىكتى جەرلەرىندە ورنالاسقان لاگەرلەردە وتكىزەدى دەپ حابارلايدى Qamshy.kz اقپارات اگەنتتىگى الماتى وبلىسى اكىمىنىڭ باسپا ءسوز قىزمەتى.

«ارىستىق بالالاردى شىلدەنىڭ 10 جۇلدىزىنان باستاپ قابىلدايمىز. بالالار ەڭبەكشىقازاق اۋدانى مەن قاپشاعاي قالاسىندا ورنالاسقان «تاۋ جاناشار» جانە «كۇنشۋاق» لاگەرلەرىندە تىنىعىپ، قۋاتتاناتىن بولادى. بۇل ىسكە بيۋدجەتتەن 30 ملن. تەڭگە ءبولىندى. بالدىرعانداردىڭ دەمالىسىن قامتاماسىز ەتۋ بارىسىندا ارنايى باعدارلاما قۇراستىرىلىپ، بالالاردى مورالدى-پسيحولوگيالىق قالپىنا كەلتىرۋ ماسەلەسى دە قامتىلادى. سونىمەن بىرگە، جەتىسۋ جەرىنىڭ تاڭعاجايىپ جەرلەرى دە ولاردىڭ بويىنا قۋات دارىتىپ، دەمالىسى ۇمىتىلماستاي اسەر قالدىراتىنىنا كامىل سەنىمدىمىز» - دەيدى وبلىس اكىمى.