وزبەكستان ازاماتشاسى الماتى قالاسىنا جۇمىس ىزدەپ كەلگەن ءوز وتانداسىن جەزوكشەلىكپەن اينالىسۋعا ماجبۇرلەگەن دەپ جازادى Qamshy.kz اقپارات اگەنتتىگى.
ەڭ سوراقىسى – بەلدەن تومەن جۇمىس جاساپ، قۇلدىققا تۇسكەن كەلىنشەكتىڭ جاتىرىندا ءتورت ايلىق ءسابي بولعان.
"جابىرلەنۋشىنىڭ ايتۋىنشا، ول الماتى قالاسىنا ەكى ايعا جۇمىس جاساۋعا كەلگەن. ايەل وسىندا كەلۋى ءۇشىن كۇيەۋىمەن دە ءتۇس شايىسىپ قالعانىن جاسىرمايدى. ول الماتىعا كەلگەننەن كەيىن 1993 جىلعى س. ەسىمدى ازاماتشامەن تانىسادى. جاڭا تانىسى وعان جۇمىس ۇسىنىپتى. ءبىراق جابىرلەنۋشى تانىسى ۇسىنعان جۇمىستىڭ قانداي ەكەنىن باس ەركىنەن ايىرىلعاندا ءبىر-اق بىلگەن. وتكەن تۇندە تۇرىكسىب اۋدانىندا تەكسەرىس جۇرگىزگەن پوليسيا باسقارماسىنىڭ قىزمەتكەرلەرى وزبەكستان ازاماتشاسىن قيىندىقتان قۇتقارعان. ءقازىر وعان قاجەت كومەكتەر كورسەتىلۋدە"، - دەدى الماتى قالالىق پوليسيا دەپارتامەنتىنىڭ قىلمىستىق پوليسيا باسقارماسى باسشىسىنىڭ ورىنباسارى، پوليسيا مايورى تيمۋر قارجاۋبايەۆ.
ايتا كەتۋ كەرەك، پوليسيا قىزمەتكەرلەرىنىڭ قۇرىعىنان قۇتىلا الماعان س. ەسىمدى ازاماتشانىڭ ۇستىنەن ق ر قك 308-باپتىڭ 1-تارماعى بويىنشا قىلمىستىق ءىس قوزعالدى.
پىكىر قالدىرۋ