ق ر پرەمەر-مينيسترى اسقار ءماميننىڭ توراعالىعىمەن ينۆەستيسيالار تارتۋ جونىندەگى ۇيلەستىرۋ كەڭەسىنىڭ وتىرىسى ءوتتى دەپ جازادى Qamshy.kz اقپارات اگەنتتىگى پرەمەر-مينيستردىڭ رەسمي سايتىنا سىلتەمە جاساپ.

وتىرىستا نەگىزگى كاپيتالعا ينۆەستيسيالار اعىمىن ق ر جىو-ىنە شاققاندا 30%-عا دەيىن ارتتىرۋ بويىنشا ينستيتۋسيونالدىق جانە زاڭنامالىق شارالار تالقىلاندى. ۇلتتىق ەكونوميكا مينيسترلىگىنىڭ ينۆەستيسيالار تارتۋ، ەكونوميكا ءوسىمىن قولداۋ ءۇشىن 2025 جىلعا دەيىن نەگىزگى كاپيتالعا شەتەلدىك ينۆەستيسيالار مەن سالىمداردىڭ قاجەتتى كولەمىنە تالداۋ بويىنشا جۇيەلى تاسىلدەرى قاراستىرىلدى.

جىل سايىنعى جالپى تىكەلەي شەتەلدىك ينۆەستيسيالار اعىمىن 2018 جىلعى $24 ملرد-تان 2025 جىلعا قاراي $34 ملرد-قا دەيىن ارتتىرۋ بويىنشا مىندەت قويىلدى. 

ءمجا كولىك جانە لوگيستيكا، ەنەرگەتيكا، تۋريزم، تكش ينفراقۇرىلىمىن جاڭعىرتۋ، دەنساۋلىق ساقتاۋ، ءبىلىم بەرۋ ت.ب. سالالارعا ينۆەستيسيالار تارتۋدىڭ ءتيىمدى قۇرالىنا اينالۋى ءتيىس. 

ەكونوميكانى ءارتاراپتاندىرۋدىڭ ماڭىزدى درايۆەرى جۇمىس ىستەپ تۇرعان كاسىپورىنداردىڭ ۆەرتيكالدى كىرىگۋىن قامتاماسىز ەتەتىن جوبالارعا ينۆەستيسيالاردىڭ شوعىرلانۋى بولادى. 

سالالار بويىنشا ينۆەستيسيالار تارتۋ كورسەتكىشتەرىنە قول جەتكىزۋ دە ەلىمىزدىڭ ەكسپورتتىق بازاسىنىڭ تەحنولوگيالىق كۇردەلىلىلىگن ارتتىرۋدى قامتاماسىز ەتەدى. 

ورتالىق جانە جەرگىلىكتى اتقارۋشى ورگاندار ءۇشىن جىو-گە ينۆەستيسيالاردىڭ ماقساتتى ارا قاتىناسىنا قول جەتكىزۋ ءۇشىن ينۆەستيسيالاردى تارتۋ بويىنشا تيىمدىلىكتىڭ نەگىزگى كورسەتكىشتەرى ازىرلەنەدى. 

وتىرىستىڭ كۇن تارتىبىندە سونىمەن قاتار كوتەرمە ساۋدا-تاراتۋ ورتالىقتارى جەلىسىن دامىتۋ ماسەلەسى قارالدى. قازاقستاندا لوگيستيكالىق قۋاتتىلىقتى ارتتىرۋ ماقساتىندا 2020-2023 جىلدارى نۇر-سۇلتان، الماتى، شىمكەنت، اقتوبە، سەمەي، كوكشەتاۋ، اتىراۋ جانە اقتاۋ قالالارىندا 8 وڭىرلىك تاراتۋ ورتالىعىنان تۇراتىن جەلىنى قۇرۋ جوسپارلانعان. بۇل تەتىك فەرمەرلەردەن ونىمدەردى ەرتە ساتىپ الىپ، قاجەتتى قور جاساپ، ودان كەيىن ونىمدەردى ماۋسىمارالىق كەزەڭدە - جەلتوقسان ايىنان ءساۋىر ايىنا دەيىن ساۋدا جەلىلەرىندە ارزانداتىلعان باعامەن ساتۋعا باعىتتالعان. 

جوبانى ىسكە اسىرۋ ناتيجەسىندە باعالاردىڭ تۇراقتىلىعى قامتاماسىز ەتىلىپ، الەۋمەتتىك ماڭىزى بار ازىق-تۇلىك تاۋارلارىنا ماۋسىمدىق الىپساتارلىق ۇستەمە باعا بولدىرىلمايدى. جوبانى ىسكە اسىرۋدا سالىنعان ءبىر تەڭگەدەن جيىنتىق الەۋمەتتىك-ەكونوميكالىق تيىمدىلىك 30 تەڭگەدەن اسادى. 

ۇيلەستىرۋ كەڭەسى وتىرىسىنىڭ قورىتىندىسى بويىنشا قازاقستان رەسپۋبليكاسىنا ينۆەستيسيالاردى ودان ءارى تارتۋ جونىندەگى جول كارتاسى قابىلداندى.

"ەكونوميكانىڭ دامۋى ينۆەستيسيالاردى تارتۋمەن تىكەلەي بايلانىستى. جاڭا تاۋاشالار ىزدەپ، ينۆەستيسيالار تارتۋ تەتىكتەرىن قۇرىپ، بارلىق قولداۋ شارالارىن كورسەتۋ كەرەك. باستى مىندەت - ەكونوميكاعا ينۆەستيسيالار كولەمىن 2 ەسە ارتتىرۋ"، — دەدى اسقار مامين.

ق ر ۇكىمەتىنىڭ باسشىسى ورتالىق مەملەكەتتىك ورگاندارعا، وڭىرلەر اكىمدەرىنە، حولدينگتەرگە ۇلتتىق جانە شەتەلدىك ينۆەستورلارمەن، سونداي-اق حالىقارالىق قارجى ۇيىمدارىمەن ەل ەكونوميكاسىنا ينۆەستيسيالار تارتۋ جانە جاڭا اۋقىمدى جولبالاردى تابۋ بويىنشا جۇمىستاردى جانداندىرۋدى تاپسىردى.