ءىىم اكىمشىلىك پوليسياسى جولدا ورتاشا جىلدامدىقتى اسىرعانى ءۇشىن ايىپپۇل سالۋ باستاماسىن ءتۇسىندىردى دەپ حابارلايدى Qamshy.kz اقپارات اگەنتتىگى Sputnik قازاقستان ءتىلشىسى.

پوليسيا اعا ينسپەكتورى اقتوتى بورانوۆانىڭ ايتۋىنشا، بۇگىنگى زاڭنامادا "ورتاشا جىلدامدىقتى اسىرعانى ءۇشىن ايىپپۇل سالۋدىڭ" انىقتاماسى جوق. بۇگىندە اكىمشىلىك پوليسيا كوميتەتى ونداي تۇسىنىكتى زاڭعا ەنگىزۋدى ۇسىنىپ وتىر. سەبەبى كولىك جۇرگىزۋشىلەرى رەسپۋبليكالىق ماڭىزى بار جولداردا قاتتى جۇرەدى. سونىڭ سالدارىنان جول-كولىك اپاتتارى بولىپ جاتادى.  

"قازىرگى كەزدە قالالاردا تىركەۋ جۇيەلەرى بار. ال رەسپۋبليكالىق ماڭىزى بار جولداردا ونداي جۇيەلەر از. وعان قوسا، كولىك جۇرگىزۋشىلەرى ول اپپاراتتاردىڭ تۇرعان جەرىن بىلەدى. وعان جاقىنداعاندا جىلدامدىقتى ازايتادى دا، ءوتىپ كەتكەننەن كەيىن قايتادان قاتتى جۇرەدى"، - دەدى بورانوۆا ارنايى باسپا ءسوز ءماسليحاتىندا. 

ينسپەكتور ورتاشا جىلدامدىقتىڭ قالاي ەسەپتەلەتىنىن دە ءتۇسىندىردى. ونىڭ سوزىنە قاراعاندا، تراسسانىڭ باسىندا جانە اياق جاعىندا بەينەكامەرالار بولادى. ءبىرىنشى كامەرا كولىكتىڭ جولعا شىققانىن تىركەسە، ەكىنشىسى كەلگەن ۋاقىتىن تىركەيدى. ءسويتىپ، اۆتوماتتى تۇردە تراسسامەن جۇرگەن ورتاشا جىلدامدىعىن ەسەپتەپ شىعارادى. كولىك جۇرگىزۋشىسى ءتيىستى جىلدامدىقتى اسىرىپ جىبەرسە، ايىپپۇل سالىنادى.  

"ماسەلەن، جولدىڭ بويىندا ەكى نەمەسە ءۇش كامەرا ورناتىلادى. استانادان شىققان كولىك قاراعاندى قالاسىنا بارسا، جولعا شىققاندا ونىڭ مەملەكەتتىك ءنومىرى مەن ۋاقىتى تىركەلەدى. ال سوڭعى كامەراعا قاراعاندى قالاسىنا كىرگەن ۋاقىتى جازىلادى. ءسويتىپ، ۋاقىتى مەن جۇرگەن جولى نەگىزىندە ورتاشا جىلدامدىق شىعارىلادى"، - دەپ اتاپ كورسەتتى بورانوۆا.

ءقازىر رەسپۋبليكالىق ماڭىزى بار جولداردا بەلگىلەنگەن جىلدامدىق –140 شاقىرىم. كولىك جۇرگىزۋشىسى سونى اسىراتىن بولسا، اكىمشىلىك قۇقىق بۇزۋشىلىق ءۇشىن جاۋاپقا تارتىلدى. اكىمشىلىك پوليسيا اتالعان باستامانى اكىمشىلىك قۇقىق بۇزۋشىلىق تۋرالى زاڭناماعا وزگەرىس ەنگىزۋ ارقىلى ىسكە اسىرۋدى كوزدەيدى.