قازاقستاندىقتار نۇر-سۇلتان ۋاقىتى بويىنشا تۇنگى ساعات ەكىدە ايدىڭ تۇتىلعانىن باقىلاي الدى دەپ حابارلايدى Qamshy.kz اقپارات اگەنتتىگى. 

ەلىمىزدىڭ اۋماعىندا ونىڭ ەڭ جوعارعى فازاسى كورىندى – ال جەردىڭ كولەڭكەسى بۇل جولى ايدى 66 پايىزعا جاپتى. 

ايدىڭ تۇتىلعانىن قازاقستانمەن قاتار رەسەي، ۋكراينا  سەكىلدى ەلدەر باقىلاي الدى. 

بۇل بيىلعى جىلى ورىن العان ءتورتىنشى قۇبىلىس.

26 جەلتوقساندا بەسىنشى، 2019 جىلداعى ەڭ سوڭعى تۇتىلۋ ورىن الادى. ول ءساقيناتارىزدى بولادى. دەمەك، اي كۇننىڭ بەتىن تولىقتاي جاپپايدى. اسپاندا جارقىراعان جۇزىك ءتارىزدى كورىنىس كورىنەدى. مۇنداي عاجاپ كورىنىستى تەك ساۋد ارابياسىندا، ءۇندىستاندا، يندونەزيادا عانا باقىلاۋعا مۇمكىن بولادى. ال قازاقستاندىقتار تەك تاڭعا جۋىق تۇتىلۋدىڭ ەڭ سوڭعى ءساتىن عانا كورە الادى.