ق ر پرەزيدەنتى ق-ج.توقايەۆتىڭ تاپسىرماسى بويىنشا الماتى اكىمى ب.ساعىنتايەۆ قالا اكتيۆىن وتكىزىپ، وندا 15 شىلدەدەگى ۇكىمەتتىڭ كەڭەيتىلگەن وتىرىسىندا مەملەكەت باسشىسىنىڭ العا قويعان مىندەتتەردى جۇزەگە اسىرۋ ماسەلەلەرى قارالدى دەپ حابارلايدى Qamshy.kz اقپارات اگەنتتىگى.
ب.ساعىنتايەۆ الماتىنى ودان ءارى وركەندەتۋدىڭ ستراتەگيالىق باعىتىن ايقىندادى جانە ولاردى شەشۋ شارالارىن اتاپ ءوتتى. الماتىنى دامىتۋدا پرەزيدەنت ق-ج.توقايەۆتىڭ ساياسي پلاتفورماسىندا كورىنىس تاپقان "شەتسىز قالا" كونسەپسياسىنا باسا نازار اۋدارىلاتىن بولادى.
حالىقتىڭ نەگىزگى الەۋمەتتىك سۇرانىستارىن شەشۋ قاجەت، ياعني لايىقتى جالاقىسى بار جۇمىس ورىندارىن اشۋ، ءبىرىنشى كەزەكتەگى ازىق-تۇلىك باعالارى مەن كوممۋنالدىق قىزمەت تاريفتەرىنىڭ قىمباتتاۋىنا جول بەرمەۋ، قولجەتىمدى تۇرعىن ءۇي سالۋ، ەكولوگيانى ساقتاۋ، مەديسينالىق قىزمەتتىڭ ساپاسىن ارتتىرۋ، قوعامدىق قاۋىپسىزدىكتى قامتاماسىز ەتۋ قاجەت.
الماتى اكىمى ايماقتاردى اباتتاندىرۋ، الەۋمەتتىك قىزمەتتەردىڭ قولجەتىمدىلىگى، «قاراپايىم زاتتاردىڭ» ەكونوميكاسىن، الەۋمەتتىك ينفراقۇرىلىم مەن الەۋمەتتىك كاسىپكەرلىكتى دامىتۋ بويىنشا ءبىرقاتار تاپسىرمالار بەردى.
جەرگىلىكتى اتقارۋ ورگاندارى ءۇشىن قالالىقتاردىڭ تابىس دەڭگەيىن ارتتىرۋ مەن ءومىر ءسۇرۋ ساپاسىن جاقسارتۋ بويىنشا تاپسىرمالار پاكەتى جاسالدى.
پىكىر قالدىرۋ