تۇركىستان وبلىسىنىڭ اكىمى ءومىرزاق شوكەيەۆ جازىقتا ءشوپ باسىپ ءجۇر. بۇل تۋرالى اكىم كەڭەسشىسى ساكەن قالقامانوۆ ءوز Facebook پاراقشاسىنا جازبا سالدى دەپ حابارلايدى Qamshy.kz اقپارات اگەنتتىگى.
شارۋا قوجالىقتا ءشوپ باسىپ جۇرگەن ءومىرزاق شوكەيەۆ سايرام اۋدانىنا جۇمىس ساپارىمەن بارعان كورىنەدى.
"سايرام اۋدانىنا جۇمىس ساپارى بارىسىندا ءومىرزاق شوكەيەۆ "ومىرالييەۆ" شارۋا قوجالىعىندا سابان باسۋ جۇمىسىنا قاتىستى. مۇندا بيداي 5 گەكتار جەرگە 25 س / گا ونىمدىلىكپەن جينالدى. شىلدەنىڭ سوڭىنا دەيىن تۇركىستان ايماعىندا استىق جيناۋ اياقتالادى. ءومىرزاق شوكەيەۆ تۇركىستان وبلىسى بايدىبەك اۋدانى شايان اۋىلىندا تۋىپ وسكەن. بالالىق شاعىنان ول قول كۇشىمەن اتقارىلاتىن اۋىر جۇمىستارعا ۇيرەنگەن"،- دەلىنگەن جازبادا.
ەستەرىڭىزگە سالا كەتسەك، قارا جۇمىس جاساۋعا بەيىمى بار اكىم وسىعان دەيىن كومباين ايداپ، جۇرت نازارىنا ىلىككەن بولاتىن.
پىكىر قالدىرۋ