قۇجاتتا "قازاقستان مۇمكىندىگى شەكتەۋلى بالالارعا قاجەتتى بارلىق جاعدايدى جاساپ، ولاردىڭ جابىق مەكەمەلەردە ەمەس، وتباسىندا تۇرۋىنا مۇمكىندىك بەرۋى قاجەت" دەپ جازىلعان.
ۇيىم وكىلدەرى 2017 جىلدىڭ قازان ايى مەن 2019 جىلدىڭ ءساۋىر ايى ارالىعىندا مۇگەدەكتىگى بار 27 بالا مەن جاسوسپىرىمنەن سۇحبات العان. بۇعان قوسا، مۇگەدەك بالاسى بار اتا-انالار مەن ينتەرنات قىزمەتكەرلەرىمەن دە سويلەسكەن. ۇيىم وكىلدەرى وسىنداي بالالارعا ارنايى الەۋمەتتىك كومەك كورسەتەتىن ءۇش ورتالىقتا بولعان.
زەرتتەۋشىلەردىڭ سۇراقتارىنا جاۋاپ بەرگەن بالالار وزدەرىن ينتەرناتتا ۇرىپ-سوققانىن، كۇشتەپ تىنىشتاندىراتىن پرەپارات بەرگەنىن، جاسى كىشى بالالاردى قاراتىپ، جورگەگىن تازالاۋعا مىندەتتەپ، عيمارات ءىشىن جيناۋ سياقتى جۇمىستاردى جۇكتەگەنىن ايتقان.
مەكەمە قىزمەتكەرلەرى قاتتى شۋلاپ، ەمگە كونبەيتىندەرگە پسيحوتروپتى پرەپاراتتار بەرگەنىن راستاعان. مۇنداي پرەپاراتتاردى ادەتتە شيزوفرەنيا بەلگىلەرى پايدا بولعان كەزدە، ناۋقاس ۇيىقتاي الماعاندا نەمەسە قاتتى اۋىرعان كەزدە قولدانادى.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، قازاقستاندا مۇمكىندىگى شەكتەۋلى بالالارعا ارنالعان ينتەرنات تيپتەس 19 مەملەكەتتىك مەكەمە بار. وندا ەكى مىڭنان اسا بالا بار.
پىكىر قالدىرۋ