جامبىل وبلىسىنىڭ باتىسىندا ورنالاسقان سارىسۋ اۋدانى ەرتەدەن اۋىل شارۋاشىلىعىنا قولايلى ءوڭىر. مۇندا ەگىن سالىپ، مال ءوسىرىپ وتىرعانداردىڭ قاتارى كوپ. بۇل تۇرعىدا شارۋالارعا مەملەكەت تاراپىنان دا ءتيىستى قولداۋ-كومەك كورسەتىلىپ كەلەدى.
سارىسۋ اۋدانى اكىمدىگى اۋىلشارۋاشىلىعى ءبولىمىنىڭ باسشىسى س.دايرابايەۆتىڭ ايتۋىنشا، بيىل 20 138،0 گەكتارعا اۋىل شارۋاشىلىق داقىلدارىن ورنالاستىرۋ جوسپارلانسا، بۇگىنگى كۇنگە 22340،0 گەكتارعا اۋىل شارۋاشىلىعى داقىلدارى ورنالاستىرىلدى.
اۋدان بويىنشا ەگىستىك جەرلەردىڭ جالپى كولەمى – 22 340،0 گەكتاردى قۇراسا، ونىڭ 3 780،0 گەكتارى سۋارمالى ەگىستىك جانە 18 560،0 گەكتار ءتالىمدى جەر.
2019 جىلدىڭ ءونىمى ءۇشىن جالپى كولەمى 2 500،0 گەكتار القاپتا كۇزدىك بيداي داقىلى ورنالاستىرىلدى. وعان قاجەتتى 450،0 توننا تۇقىم جۇمسالدى. ونىڭ ىشىندە 55،0 توننا ەليتا (12،2%)، قالعان 395،0 توننا ءىى، ءىىى جانە IV رەپرودۋكسيالى تۇقىمدار.
ەگىلگەن 2 500،0 گەكتار كۇزدىك بيدايدىڭ 57،2% جاقسى، 42،8% قاناعاتتانارلىق جاعدايدا.
بۇگىنگى كۇنگە 4523،4 گەكتار جازدىق ارپا، 1 000،0 گەكتار داندىك جۇگەرى، 7100،0 گەكتار مايلى داقىلدار (ماقسارى)، 40،0 گەكتار كارتوپ، 525،0 گا كوكەنىس پەن باقشا داقىلدارى جانە 4449،7،0 گەكتار مال ازىعى داقىلدارى (ونىڭ ىشىندە 570،0 گەكتار جاڭادان ەگىلەتىن كوپجىلدىق شوپتەر، قالعان 3879،7 گەكتار ونىڭ الدىنعى جىلدارداعى كوپجىلدىق شوپتەر) ورنالاستىرىلدى.
كوكتەمگى دالا جۇمىستارىنا تەحنيكالار 100%-عا دايىندالىپ، 17 دانا ك-701، 6 دانا ت-150 قۋاتتى تراكتورلارى مەن 30 دانا متز تراكتورلارى، 25 اۆتوكولىك، 20 دانا تراكتور تىركەمەلەرى، 26 دانا سوقا جانە 30 دانا ءدان سەپكىش قاتىستىرىلدى.
وسىعان وراي، «ساۋداكەنت كرەديتتىك سەرىكتەستىگى» جاۋاپكەرشىلىگىنە كوكتەمگى دالا جۇمىستارىن جۇرگىزۋگە وتىنىمدەر ءتۇسىپ، 4 اۋىل شارۋاشىلىعى تاۋار وندىرۋشىلەرى 7،0% سىياقى مولشەرلەمەسىمەن 32 ميلليون 200 مىڭ تەڭگە نەسيە الدى.
سونىمەن قاتار اۋداننىڭ ديحاندارىنا كوكتەمگى ەگىس دالا جۇمىستارىن جۇرگىزۋ ءۇشىن 730،0 توننا ارزانداتىلعان ديزەل وتىنى ءبولىنىپ، ونىڭ ىشىندە، ناۋرىز ايىنا 180،0 توننا، قالعان 550،0 توننا ءساۋىر، مامىر ايلارىندا الىندى. جەڭىلدەتىلگەن ديزەل وتىنىن اۋىل شارۋاشىلىعى تاۋارىن وندىرۋشىلەرىنە جەتكىزۋشى وپەراتور بولىپ «ايانات» ج ش س بەلگىلەنگەن.
جالپى اۋدانداعى ديزەل وتىنىنىڭ نارىقتاعى باعاسى 199-201 تەڭگەنى قۇراسا، اۋداندارعا بەلگىلەنگەن جانارمايدىڭ 1 ءليترى 175 تەڭگەدەن بوساتىلدى.
توسكەي ءتورت تۇلىككە تولسا، بۇل بەرەكەنىڭ ارتقانى. شۇكىر، سارىسۋ اۋدانىندا مال باسى دا جىلدان جىلعا ارتىپ كەلەدى.
بيىلعى ماۋسىم ايىنداعى مالىمەت بويىنشا اۋداندا ءمۇيىزدى ءىرى قارا 21316 باسقا، قوي-ەشكى 282146 باسقا، جىلقى 6693 باسقا، تۇيە 2226 باسقا، قۇس 24784 باسقا جەتكىزىلىپ، 1588،2 توننا ەت، 2809،1 توننا ءسۇت، 1931،3 مىڭ دانا جۇمىرتقا دايىندالدى. وتكەن جىلدىڭ وسى ۋاقىتىسىمەن سالىستىرعاندا ءمۇيىزدى ءىرى قارا 1016 باسقا، قوي-ەشكى 696 باسقا، جىلقى 343 باسقا، تۇيە 43 باسقا ارتتى.
دوسبول اۋىلدىق وكرۋگىنەن قازاقتىڭ قىلشىق ءجۇندى ەت باعىتىنداعى اسىل تۇقىمدى قوي وسىرەتىن «ەلدوس-2004» شارۋا قوجالىعى اسىل تۇقىمدى مارتەبەسىن الىپ، بارلىق قۇجاتتارى راسىمدەلىپ، ق ر ءاشم-نىڭ ارنايى سايتىنا تىركەلىپ، جۇمىس اتقارۋدا. 2015 جىلى قامقالى اۋىلدىق وكرۋگىنەن جەكە كاسىپكەر «راش» اسىل تۇقىمدى شارۋاشىلىق مارتەبەسىن السا، 2018 جىلى جاڭاتالاپ اۋىلدىق وكرۋگىنەن «ىنتالى» شارۋا قوجالىعى اسىل تۇقىمدى شارۋاشىلىق قاتارىنا ەندى. جاڭاارىق اۋىلدىق وكرۋگىنەن «بىرلىك»، اسىل تۇقىمدى شارۋاشىلىقتار قاتارىنا ءوتتى. ءمۇيىزدى ءىرى قارا بويىنشا «ابىلاي» شارۋا قوجالىعى قازاقتىڭ اق باس تۇقىدى سيىرىنن وسىرەتىن اسىل تۇقىمدى شارۋاشىلىق مارتەبەسىن الىپ، جۇمىس جۇرگىزۋدە.
-مال شارۋاشىلىعى سالاسىندا الداعى ۋاقىتتاعى باستى ماقساتىمىز مال تۇقىمىن ەت باعىتىندا اسىلداندىرۋ جۇمىستارىن قولعا الۋ بولىپ تابىلادى.
اۋداندا مال شارۋاشىلىعىمەن اينالىساتىن شارۋا قوجالىقتارى «اسىل تۇقىمدى مال شارۋاشىلىعىن دامىتۋدى، مال شارۋاشىلىعىنىڭ ونىمدىلىگىن جانە ءونىم ساپاسىن ارتتىرۋ» بويىنشا 2016 جىلى 107،0 ميلليون تەڭگە سۋبسيديا السا، 2017 جىلى 127،6 ميلليون تەڭگەگە سۋبسيديالاۋ قۇجاتتارى وبلىستىق اۋىل شارۋاشىلىعى باسقارماسىنا ەلەكتروندى نۇسقادا تاپسىرىلدى. 2018 جىلى 150،0 ميلليون تەڭگەگە قۇجات تاپسىرىلسا، 2019 جىلعى مال شارۋاشىلىعى بويىنشا سۋبسيديالاۋ ءوتىنىمىن قابىلداۋلار باستالدى،-دەيدى سارىسۋ اۋدانى اكىمدىگى اۋىل شارۋاشىلىعى ءبولىمىنىڭ باسشىسى سەيتبەك داريابەكوۆ.
داريحا ۇمبەتياروۆا
پىكىر قالدىرۋ