ەلىمىزدە جاستارعا ايرىقشا كوڭىل ءبولۋى، جاستار جىلى اتاۋى،   قوعامنىڭ اۋىزبىرلىگىن ەسەلەپ ارتتىرىپ، جاستاردى ءبىر سەرپىلتىپ، بويلارىنا جىگەر سىيلاعانداي.  ەلباسىنىڭ ۇنەمى جاستاردى قولداپ، جاستار ساياساتىن دامىتۋدى كوزدەيتىنى بەكەر ەمەس.

قوعامنىڭ قوزعاۋشى كۇشى جاستار ەكەنىن جوققا شىعارا المايمىز. بۇگىنگى جاستار كرەاتيۆتى پىكىرگە يە.

بۇگىنگى جاستار – ەرتەڭگى كاسىبي بىلىكتى مامان، بولاشاق وتباسىنىڭ تىرەگى. ءاربىر جاس قوعامدا ءوز ورنىنا يە بولۋ ءۇشىن كەز كەلگەن قوعامدىق ماسەلەگە بەيجاي قاراماۋى ءتيىس.

سەبەبى پاتريوتتىق رۋح تا، رۋحاني ەرىك-جىگەر دە ورتامەن ارالاسۋدان تۋىندايدى.

قازاقتا «جاس كەلسە – ىسكە» دەگەن ءسوز بار. اقىلدى تەحنولوگيا زامانىندا اقىل دا، تىڭ يدەيا دا جاستاردان شىعادى. بۇعان جامبىل وبلىسى سارىسۋ اۋدانىنداعى سەرپىندى جوبالار دا دالەل بولا الادى.

سارىسۋ اۋدانى اكىمدىگى ىشكى ساياسات ءبولىمىنىڭ «جاستار رەسۋرستىق ورتالىعى» كوممۋنالدىق مەملەكەتتىك مەكەمەسىندە وسى سالادا ۇزاق جىلدار ەڭبەك ەتىپ كەلە جاتقان جادىرا جۇماعۇلوۆا ەسىمدى ازاماتشا باسشىلىق جاساۋىمەن  مەملەكەتتىك جاستار ساياساتىن جۇزەگە اسىرۋ ماقساتىندا ءبىرقاتار جۇمىستار اتقارىلىپ كەلەدى.

بۇگىنگى تاڭدا اۋداندا  14 پەن 29 جاس ارالىعىنداعى جاستار سانى 10 159 ادام.

قازىرگى تاڭدا مەكەمەدە 18 شتات بويىنشا قىزمەتكەرلەر  جۇمىس ىستەيدى، 9 اۋىلدىق وكرۋگتىڭ بارلىعىندا جاستار ءىسى جونىندەگى ينسپەكتورلار جۇمىس اتقارادى.

«جاسىل ەل» باعدارلاماسى اياسىندا 2 ايلىق ماۋسىمدىق جۇمىسقا 50  جاس تارتىلىپ، ءساۋىر-مامىر ايلارىندا ورتالىق ساياباقپەن قالا ءىشىنىڭ تازالىق جۇمىستارىن اتقاردى.

مەكەمە تاراپىنان جاستار اراسىنداعى پاتريوتيزم، ادامگەرشىلىك-يماندىلىق، قۇقىقتىق، ەستەتيكالىق، كاسىپتىك، ءتىل، ناشاقورلىققا جانە قىلمىسقا قارسى كۇرەس، ءدىن، جەمقورلىق، سالاۋاتتى ءومىر سالتى، ەكولوگيا، جاستاردىڭ الەۋمەتتىك ماسەلەلەرىنە بايلانىستى جانە قوعامداعى ءتۇرلى سالالار بويىنشا  اعىمداعى جىلى جوسپارعا سايكەس، جۇمىستار جاسالادى.

جاستار اراسىندا قۇقىق بۇزۋشىلىق پەن قىلمىستىڭ الدىن الۋ باستى نازاردا بولىپ، مۇددەلى ورگاندارمەن ءتيىستى پروفيلاكتيكالىق جۇمىستار جۇرگىزىلۋدە. ماسەلەن، ۇستىمىزدەگى جىلدىڭ 14-17 مامىرىندا جاڭاتاس كوپسالالى كوللەدجى، №5 جاڭاتاس جانە №11 سارىسۋ كوللەدجدەرىندە اۋداندىق مەشىتتىڭ نايب يمامى، اۋداندىق يۋۆەنالدى پوليسيا توبى، اۋداندىق ارداگەرلەر كەڭەسى مۇشەسىنىڭ قاتىسۋىمەن كەزدەسۋلەر وتكىزىلدى.

سونىمەن قاتار ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا بەكىتىلگەن اۋداندىق جەلىلىك كەستەگە سايكەس جۇمىستار تۇراقتى ورىندالۋدا.

جاستاردى قايىرىمدىلىققا تارتۋ ماقساتىندا «جان جىلۋى»، «جۇرەك جىلۋى»، «قايىرىمدىلىق جاسا!» «جاقسىلىققا ۇمىتلايىق!» اتتى قايىرىمدىلىق اكسياسى اياسىندا كاسىپكەرلەردىڭ قولداۋىمەن 53 وتباسىعا تەگىن ازىق-تۇلىك تاراتىلدى. شاراعا 30 دان استام ەرىكتىلەر تارتىلدى. 

 «ارداگەرلەردى ارداقتايىق» جوباسى اياسىندا اقپان – ءساۋىر ايلارىندا ۇلى وتان سوعىسىنىڭ ارداگەرلەرى مەن جالعىز باستى انالاردىڭ ۇيلەرىنە ءبىر توپ بەلسەندى جاستاردىڭ قاتىسۋىمەن كومەكتەسۋ جۇمىستارى جۇرگىزىلۋدە.

جاستار جىلىنداعى تۋىنداعان مىندەتەردى جۇزەگە اسىرۋ اياسىندا «بيزنەستىڭ جول كارتاسى - 2020» بيزنەستى قولداۋ مەن دامىتۋدىڭ مەملەكەتتىك باعدارلاماسى شەڭبەرىندە مەملەكەتتىك گرانت تۋرالى باق-تا جارىق كوردى. ناتيجەسىندە اۋدانىمىزدا 37 جاس گرانتقا قاتىسۋعا نيەت ءبىلدىرىپ، قۇجاتتارىن جيناۋ جۇمىستارىن جۇرگىزۋدە.

اۋدان تۇرعىندارىنىڭ الەۋمەتتىك جاعدايىن انىقتاۋ ماقساتىندا 30 مامىر -1 ماۋسىم ارالىعىندا جامبىل وبلىسى اكىمدىگى جاستار ساياساتى ماسەلەلەرى باسقارماسى ماماندارى مەن وبلىستاعى ءتۇرلى سالا ماماندارىنىڭ قاتىسۋىمەن «بولاشاققا باعدار» اتتى كوشپەلى كەڭەس بەرۋ الاڭى وتكىزىلدى.

شاراعا 700-دەن اسا اۋدان ۇرعىندارى قامتىلدى.

جاستار اراسىندا ءپوزيتيۆتى ءومىر سالتىن قالىپتاستىرۋ ماقساتىندا مامىر ايىندا «دەلفيي»، اۋداندىق كتا «سارىسۋ اۋدانى اكىمىنىڭ كۋبوگى 2019»، «ۇلگىلى وتباسى جارقىن بولاشاق كەپىلى»، «نازىك جاندى ماماندار»، «تۋعان جەر – تۇعىرلى مەكەنىم» ت،ب. اۋقىمدى ءىس-شارالار وتكىزىلدى.

جاستار جىلى اياسىندا، 2019 جىلدىڭ 1 مامىرىندا سارىسۋ اۋدانىنىڭ قۇرمەتتى ازاماتى تۇرار مىسىقبايەۆتى ەسكە الۋعا ارنالعان ساۋداكەنت-جاڭاتاس باعىتىندا جۇگىرۋدەن اۋداندىق مارافون وتكىزىلدى. سونداي-اق، «سالاۋاتتى ءومىر سالتىن ساقتا!»، «ماعان ءومىر قىمبات» اتتى كەڭ كولەمدە اكسيالار وتكىزىلدى.

-جاستار جىلىندا وسى جۇمىستاردى جاڭا قىرىنان ودان ءارى دامىتۋ - باستى مىندەتتەرىمىزدىڭ ءبىرى بولماق. ءبىز، قازاقستاندىقتاردى، اسىرەسە جاستاردى مەيلىنشە كوبىرەك قامتۋ ماقساتىندا ينتەرنەت-مەدياداعى جوبالاردى كۇشەيتىپ، كوشپەلى كورمەلەردىڭ فورماتىن دامىتۋدى كوزدەپ وتىرمىز. سونداي-اق، ەلباسىنىڭ باستامالارى مەن يدەيالارىن شەت ەلدەردە تاراتۋ باعىتىندا دا جوسپارلارىمىز بار. ءبىز تۇراقتى تۇردە جاڭا جوبالارىمىزدى دامىتىپ، قولدانىستاعىلاردى جەتىلدىرىپ وتىرامىز،-دەيدى اۋداندىق جاستار رەسۋرستىق ورتالىعىنىڭ ديرەكتورى جادىرا جۇماعۇل.

سايىپ كەلگەندە، مۇنىڭ بارلىعى - زامان تالابىنا، ەڭ باستىسى جاستاردىڭ سۇرانىسىنا ساي بولۋداعى ۇمتىلىسىمىزدىڭ جارقىن كورىنىسى دەپ پايىمدايمىز. 

داريحا ۇمبەتياروۆا