تۇركىستان وبلىسىنىڭ اكىمى ءومىرزاق شوكەيەۆتىڭ ارىستىقتارمەن بىرگە ءبىر اي بولۋعا بەرگەن ۋادەسىن دالەلدەيتىن جەلىدە ۆيدەو پايدا بولدى، دەپ حابارلايدى Qamshy.kz اقپارات اگەنتتىگى.
بۇل ۆيدەونى تۇركىستان وبلىسى اكىمىنىڭ كەڭەسشىسى ساكەن قالقامانوۆ Facebook-تەگى پاراقشاسىنا جۇكتەدى.
"ارىس ۇيلەرىندە قابىرعالاردى قىزعىلت تۇسكە بوياۋ قىزىق ءسان ەكەن. بۇل ۇيدە ءبىر ايدان بەرى ءومىرزاق شوكەيەۆ يندۋستريا جانە ينفراقۇرىلىمدى دامۋ ۆيسە-مينيسترى قايىربەك وسكەنبايەۆپەن جانە اكىمنىڭ ءبىرىنشى ورىنباسارى قوسمان ايتمۇحامبەتوۆپەن بىرگە تۇرىپ جاتىر"، - دەپ جازدى ول.
الدىندا شوكەيەۆتىڭ سايرام اۋدانىندا جۇمىس ساپارىمەن بولىپ، سابان تيەگەن سۋرەتى جەلىدە پايدا بولعان. سول كەزدە وعان: "ارىستىقتارمەن ءبىر اي بولامىن دەگەنىڭىز قايدا" دەپ سىن تاعىلىپ ەدى. جاۋاپ تا كوپ كۇتتىرمەدى.
ايتا كەتسەك، تۇركىستان وبلىسى ارىس قالاسىندا 24 ماۋسىمدا تاڭەرتەڭ قارۋ-جاراق قويماسى وتقا ورانىپ، جويقىن جارىلىس بولعان. قويماداعى سنادريادتار جان-جاققا ۇشىپ، اۋىلدى ءبۇلدىرىپ، ۇيلەردى قيراتقان. توتەنشە جاعداي رەجيمى جاريالانىپ، اۋىل حالقى سول كۇنى ەۆاكۋاسيالاندى. ال 28 ماۋسىمدا ارىستىقتار ورتاسىنا تۇسكەن قالاعا قايتا كوشىرىلدى. كوپتەگەن ۇيلەر بۇلىنگەن. ۇكىمەت قالانى دەرەۋ ارادا جوندەۋگە ۋادە ەتتى. وبلىستاردان كومەك ۇزدىكسىز اعىلۋدا. ال تۇركىستان وبلىسىنىڭ اكىمى ءومىرزاق شوكەيەۆ وسىندا ءبىر اي بويى تۇرىپ، جوندەۋ جۇمىستارىن قاداعالاۋعا ۋادە بەرگەن ەدى.
پىكىر قالدىرۋ