قازاق حالقى ەجەلدەن باۋىرمال، قوناقجاي، جومارت حالىق ەكەنى بارشامىزعا ءمالىم. اسىرەسە، ەل ىشىندە حالقىنىڭ جاعدايىن ويلاپ جۇرەتىن جومارت ازاماتتار جەتەرلىك. ونداي ازاماتتار وزدەرىنەن ارتىلعانىن جانىنداعىلارعا بەرىپ، جومارتتىعىن ەشقاشاندا  مىندەتسىنبەگەن. جامبىل وبلىسىنىڭ شۋ اۋدانىندا دا «العاندى ەمەس بەرگەندى» ءجون كورەتىن جومارت جۇرەكتى ازاماتتار جەتىپ ارتىلادى.

جۋىردا عانا شۋ اۋدانىنىڭ اكىمى جارىلقاسىن ايتاقوۆ تۋعان جەرىنىڭ تۇرلەنۋىنە بارىنشا ۇلەس قوسىپ جۇرگەن جومارت ازماتتىردى جيناپ،  ولارعا رەسپۋبليكالىق «جومارت جۇرەك» سىيلىعىن سالتاناتتى تۇردە تاپسىردى. اۋدان باسشىسى جومارتتىق تانىتقانى ءۇشىن ماراپاتاعانداردىڭ اراسىندا ءتۇرلى سالانىڭ وكىلدەرى بولدى.  
اتاپ ايتساق، تۋعان جەرىندە ءىرى الەۋمەتتىك جوبالاردى ىسكە اسىرعانى ءۇشىن، از قامتىلعان، كوپ بالالى جانۇيالارعا، جالعىزىلىكتى انالارعا، اتا-انانىڭ قاراۋىنسىز قالعان جەتىم بالالارعا، مۇگەدەكتەرگە، زەينەتكەرلەرگە قايتارىمسىز كومەك كورسەتكەنى ءۇشىن  «جىل مەسەناتى» نوميناسياسى بويىنشا بولات ساۋرانبايەۆ ماراپاتتالدى. ايتا كەتەيىك، شۋ اۋدانى بەلباسار اۋىلىنىڭ تۋماسى بولات وسپان ۇلى ساۋرانبايەۆ ءوزىنىڭ تۋعان اۋىلىنا زاماناۋي ۇلگىدەگى فۋتبول الاڭىن، ءزاۋلىم مەشىت جانە تاعى باسقا تۇرعىنداردىڭ كەرەگىنە جارايتىن نىساندار سالىپ بەرگەن. سونداي-اق، بولات ساۋرانبايەۆتىڭ دەمەۋشىلىگىمەن 2018 جىلدان باستاپ اتالعان اۋىلدا حالىقارالىق ستاندارتقا ساي سپورت كەشىنى سالىنىپ جاتىر.

ال ەلدى مەكەندەردى ابباتتاندىرۋعا، الەيالاردى، ەسكەرتكىشتەردى، بالالار ويىن الاڭدارىن رەكونسترۋكسيالاۋعا جانە سالۋعا، دەنساۋلىق ساقتاۋ، مادەنيەت، ءبىلىم بەرۋ جانە سپورت سالالارىنا دەمەۋشىلىك كومەك كورسەتۋگە باعىتتالعان الەۋمەتتىك جوبالاردى ىسكە اسىرعانى ءۇشىن «تۋعان ولكە» نوميناسياسى بويىنشا ساعادات نۇرماعامبەت ۇلى مادالييەۆ ماراپاتتالدى. شۋ اۋدانى بالۋان شولاق اۋىلىنىڭ تۋماسى ساعادات مادالييەۆ جۋىردا عانا كوپ بالالى وتباسىنا سۋ جاڭا ءۇيدىڭ كىلتىن تابىستاعان.

سونداي-اق، اۋدان اكىمى جارىلقاسىن ايتاقوۆ بەلسەندى ازاماتتىق ۇستانىمى، ءارتۇرلى باعىتتاعى كەڭ اۋقىمدى قايىرىمدىلىق قىزمەتتى جۇزەگە اسىرعانى ءۇشىن «جىل تۇلعاسى» نوميناسياسى بويىنشا ايدىن نيكولايەۆيچ جورتاروۆ ماراپاتتادى.

ال الەۋمەتتىك ماڭىزى بار جوبالار مەن اكسيالاردى ءتيىمدى جۇزەگە اسىرعانى ءۇشىن، قايىرىمدىلىق كومەك بەرۋدىڭ ءتيىمدى تۇرلەرىن ەنگىزگەنى جانە قوعامدىق ماڭىزى بار شارالارعا  دەمەۋشىلىك جاساعانى ءۇشىن «جىلدىڭ ۇزدىك ۇيىمى» نوميناسياسى بويىنشا سەرىك ءۋاش ۇلى اساتوۆ ماراپاتتالدى.

ۆولونتەرلىك قىزمەتتەرگە بەلسەندى قاتىسىپ، قوعامدىق جۇمىستارعا اتسالىسقانى ءۇشىن «ەرەن ەرىكتىلىك» نوميناسياسى بويىنشا ەركىن

باحىتجان ۇلى تۋلەبايەۆ، اۋداندىق «جاستار رەسۋرستىق ورتالىعى» كمم-نىڭ مامانى قۋات ەرمەك ۇلى اقبايەۆ ماراپاتتالدى.

سالتانتتى جيىن سوڭىندا ماراپتتالعان بارشا ازاماتتار ءۇشىن اۋدان انشىلەرى اننەن شاشۋ شاشتى. 

شىمىرباي دۋلات