بۇگىن، 22 شىلدەدە ازاتتىق ءتىلشىسى نۇرگۇل تاپايەۆا مەن وپەراتور توقمولدا قۇسايىنوۆقا بەلگىسىز بىرەۋلەر شابۋىل جاسادى دەپ جازادى Qamshy.kz اقپارات اگەنتتىگى ازاتتىقتىڭ دەرەگىن نەگىزگە الىپ.
ازاتتىق تىلشىلەرى تاڭەرتەڭگى ساعات 11-دە الماتىداعى ادام قۇقىقتارى مەن زاڭدىلىقتى ساقتاۋ بيۋروسىنداعى باسپا ءسوز جيىنىنا بارعان. عيماراتتىڭ ءبىرىنشى قاباتىندا بىرنەشە ايەل جۋرناليستەرگە تۇسىرۋگە كەدەرگى كەلتىرىپ، ءمان-جايدى تۇسىندىرمەستەن شابۋىل جاسادى.
"جيىن باستالماس بۇرىن جيىرماعا جۋىق ايەل كەلدى. ولار شۋ شىعارىپ، باسپا ءسوز جيىنىنا كەلگەن جۋرناليستەردىڭ كامەراسىن، ۇيالى تەلەفوندارىن تارتىپ الۋعا ارەكەت قىلدى. جيىنعا كەلگەن وزگە دە ادامدارعا شابۋىل جاسادى" دەدى بيۋرو وكىلى سەرگەي دۋۆانوۆ.
ازاتتىق تىلشىلەرى بۇگىن ادام قۇقىقتارى مەن زاڭدىلىقتى ساقتاۋ بيۋروسىنداعى "مەملەكەت انالار جانە بالالارمەن كۇرەسىپ وتىر" دەگەن تاقىرىپتا ءوتۋى ءتيىس باسپا ءسوز جيىنىنا بارعان. بۇل جيىندى ۇيىمداستىرۋشىلارى ەلدە تىيىم سالىنعان "قازاقستاننىڭ دەموكراتيالىق تاڭداۋى" قوزعالىسى (قازاقستان بيلىگى سىناۋشى، ءقازىر شەتەلدە تۇراتىن قۋعىنداعى بۇرىنعى بانكير مۇحتار ءابليازوۆ قۇرعان) قىزمەتىنە قاتىسى بار دەگەن كۇدىكپەن تۇتقىندالعان الماتىلىق كوپ بالالى انا وكسانا شيەۆچۋك پەن جالعىزباستى انالار گۇلزيپا جاۋكەروۆا مەن جازيرا دەمەۋوۆانىڭ ۇستەرىنەن قوزعالعان ىستەردىڭ ءمان-جايىن ايتپاقشى بولعان.
.
پىكىر قالدىرۋ