جامبىل وبلىسى اكىمدىگى ىشكى ساياسات باسقارماسى "وڭىرلىك كوممۋنيكاسيالار قىزمەتىنىڭ" اقپارات الاڭىندا جامبىل وبلىسى بويىنشا «دامۋ» كاسىپكەرلىكتى دامىتۋ قورى» اق ايماقتىق فيليالىنىڭ ديرەكتورى باقىتجان ۋرازقۇل ۇلى  يساكوۆتىڭ قاتىسۋىمەن باسپا ءسوز كونفەرەنسياسى ءوتتى. باقىتجان ۋرازقۇل ۇلى 2019 جىلدىڭ ءبىرىنشى جارتى جىلدىعىنىڭ قورىتىندىسى بويىنشا جامبىل وبلىسى بويىنشا مەملەكەتتىك باعدارلامالاردى جۇزەگە اسىرۋداعى «دامۋ» كاسىپكەرلىكتى دامىتۋ قورى اق-نىڭ قىزمەتىنىڭ قورىتىندىسى تۋرالى   بايانداپ، جۋرناليستەردىڭ سۇراقتارىنا جاۋاپ بەردى.

بريفينگ بارىسىندا «دامۋ» قورىنىڭ وبلىستىق فيليالىنىڭ ديرەكتورى «دامۋ» قورىنىڭ مەملەكەتتىك باعدارلامار شەڭبەرىندە شاعىن جانە ورتا كاسىپكەرلىك سۋبەكتىلەرىن قولداۋعا ارنالعان نەگىزگى قارجىلىق قۇرالدارىن ۇسىندى، ياعني اتاپ ايتقاندا:

1) «بيزنەستىڭ جول كارتاسى-2020» بيزنەستى قولداۋ مەن دامىتۋدىڭ مەملەكەتتىك باعدارلاماسى؛

2) «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى؛

3) باسىم جوبالاردى كرەديتتەۋ تەتىگى (قاراپايىم زاتتار ەكونوميكاسىنىڭ باعدارلاماسى)؛

4) وڭدەۋشى ونەركاسىپ سالاسىندا جۇمىس اتقاراتىن شاعىن جانە ورتا كاسىپكەرلىك سۋبەكتىلەرىن قولداۋ باعدارلاماسى؛

5) "بەرەكە" وڭىرلىك قارجىلاندىرۋ باعدارلاماسى.

سونىمەن قاتار، 2019 جىلدىڭ ءبىرىنشى جارتىجىلدىعىنىڭ قورىتىندىسى بويىنشا جامبىل وبلىسىندا كورسەتىلگەن مەملەكەتتىك باعدارلامالاردىڭ جۇزەگە اسىرىلۋ ناتيجەلەرى تۋرالى ايتىلدى.

ماسەلەن، «بيزنەستىڭ جول كارتاسى 2020» مەملەكەتتىك باعدارلاماسى شەڭبەرىندە «سۋبسيديالاۋ» قۇرالى بويىنشا جالپى نەسيە سوماسى 3،4 ملرد.تەڭگەنى قۇرايتىن 73 جوبا سۋبسيديالاندى. ال «كەپىلدىك بەرۋ» قۇرالى بويىنشا اتالمىش باعدارلاما اياسىندا جالپى نەسيە سوماسى 1،4 ملرد.تەڭگەنى قۇرايتىن 40 جوبا كەپىلدەندىرىلدى، بۇل رەتتە «دامۋ» قورى بەرگەن كەپىلدىكتەردىڭ جالپى سوماسى 435،6 ملن. تەڭگەنى قۇرادى. باسىم جوبالاردى نەسيەلەۋ تەتىگى اياسىندا جالپى نەسيە سوماسى 191 ملن. تەڭگەگە 4 جوبا ماقۇلداندى،ونىڭ 3ء-ۋى بويىنشا بۇگىنگى كۇنى سۋبسيديالاۋ شارتىنا قول قويىلدى. ال «ەڭبەك» باعدارلاماسى اياسىندا جالپى سوماسى 791،5 ملن.تەڭگەگە 67 كاسىپكەرگە شاعىن نەسيە بەرىلدى.

سونىمەن قاتار، «دامۋ» قورىنىڭ وبلىستىق فيليالى جانىنان كاسىپكەرلەرگە قىزمەت كورسەتۋ ورتالىعى جۇمىس ىستەيدى، ونىڭ نەگىزگى مىندەتى كاسىپكەرلەرگە، سونداي-اق كاسىپكەرلىك الەۋەتى بار حالىققا كونسۋلتاسيالىق كومەك كورسەتۋ، سونداي-اق «دامۋ» قورى جۇزەگە اسىراتىن باعدارلامالار شەڭبەرىندە ەكىنشى دەڭگەيدەگى بانكتەر قارجىلاندىرعانعا دەيىن ولاردىڭ بيزنەس-جوبالارىن سۇيەمەلدەۋ بولىپ تابىلادى.

«دامۋ» قورى ءسىزدىڭ بيزنەسىڭىزدى دامىتۋ ءۇشىن جان-جاقتى كومەك كورسەتۋگە دايىن!