الماتىدا بەلسەندى اسيا تولەسوۆا ءبىر ادامدىق نارازىلىق اكسياسىن وتكىزدى دەپ جازادى Qamshy.kz اقپارات اگەنتتىگى vlast.kz سايتىنىڭ دەرەگىن نەگىزگە الىپ. ول قولىنا "جەمقورلىققا جول جوق! ساياسي تۇتقىندارعا بوستاندىق" دەگەن جازۋى بار پلاكات الىپ شىققان.
ول بۇل نارازىلىق اكسيا ارقىلى قازاقستاندا ساياسي تۇتقىن رەتىندە تانىلعان مۇحتار جاكىشيەۆكە بوستاندىق سۇراعىسى كەلگەن. سونداي-اق اتالمىش پيكەتتى جۋرناليست سەرگەي دۋۆانوۆقا ارنايتىنىن ايتقان. ەسكە سالا كەتسەك، سەرگەي دۋۆانوۆ تا ءبىر ادامدىق پيكەت وتكىزگەن بولاتىن.
"بۇل پيكەتتى جۋرناليست سەرگەي دۋۆانوۆقا ارنايمىن. سەبەبى ول دا ساياسي تۇتقىن. ەلىمىز ءۇشىن كوپ نارسە جاسادى. قيت ەتسە تۇرمەگە وتىرعىزا بەرەتىن بۇل نەتكەن جەمقور جۇيە ەدى... ەلدىڭ بولاشاعى ءۇشىن كۇرەسۋ كەرەك"، - دەگەن اسيا تولەسوۆا وزگەلەردى پيكەتكە شىققان ازاماتتارعا قولداۋ بىلدىرۋگە شاقىردى.
پىكىر قالدىرۋ