شىعىس قازاقستان وبلىسىندا اتالمىش اكسياعا 350-دەن استام ادام قاتىستى. ونىڭ ىشىندە 50 ۆولونتەر بار. اكسيا اياسىندا 50 وزەن جاعالاۋى مەن سۋ قويماسى قوقىستان تازارتىلادى، – دەپ حابارلادى Qamshy.kz اقپارات اگەنتتىگى شقو اقپاراتتىق ورتالىعىنا سىلتەمە جاساپ.

– تارباعاتاي اۋدانىنداعى 50 شاقىرىمدى قۇرايتىن تەرەڭدىگى 15 مەترگە دەيىنگى جاعالاۋدى تازارتۋدى جوسپارلاپ وتىرمىز. مۇنداي شارالاردى وتكىزۋ ارقىلى ءبىز سۋ قويمالارىنداعى سانيتارلىق جاعدايدى جاقسارتامىز. بۇدان بولەك وزەن جاعالاۋلارىن قوقىستاردان دا تازارتامىز. شىندىعىنا كەلسەك، وزەندەردىڭ  استىن تازالاۋ جۇمىستارى سيرەك جۇرگىزىلەدى. ال بۇل ءوز كەزەگىندە دەمالۋشىلاردىڭ دەنساۋلىعىنا زيانىن تيگىزەتىنى ايدان انىق. سول سەبەپتەن وسى اكسيانىڭ  ماڭىزى زور، – دەدى شقو ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسى باسشىسىنىڭ ورىنباسارى ساناقبەك كىتاپبايەۆ.

وڭىردەگى زايسان وزەنى، وسكەمەن، ءشۇلبى سۋ قويمالارى، سونداي-اق ساسىقكول وزەندەرىنە تازالىق جۇمىستارى جۇرگىزىلدى. ناتيجەسىندە سۋدان 34،4 مىڭ تەكشە مەتر نەمەسە 345 دانا قوقىس شىعارىلدى.

اتالمىش اكسيا ەلدىڭ بارلىق جەرىندە ۇيىمداستىرىلۋدا. ال قورىتىندىسى 19 تامىزدا جاريالانادى.