اباي وبلىسى ءۇرجار اۋدانىندا «ءمولدىر بۇلاق» اكسياسى اياسىندا وزەندەر مەن بۇلاقتار تازارتىلدى، دەپ حابارلايدى Qamshy.kz اقپارات اگەنتتىگى.

ءۇرجار اۋدانىندا «تازا قازاقستان» رەسپۋبليكالىق ەكو-اكسياسىنىڭ «ءمولدىر بۇلاق» اپتالىعى اياسىندا ءۇرجار اۋىلىنىڭ «قايىڭدى ب ا ق» جانە «بولاشاق» ساياباقتارىنداعى بۇلاقتار مەن وزەندەردى تازالاۋ جۇرگىزىلدى.

ەكولوگيالىق ءىس-شاراعا اۋىل تۇرعىندارى، ەرىكتىلەر مەن بەلسەندى جاستار قاتىسىپ، بۇلاقتاردى قوقىستاردان تازارتتى. اكسياعا 150-دەن استام ادام بەلسەندىلىك تانىتىپ، تۋعان ولكەنىڭ تازالىعىن ساقتاۋعا ءوز ۇلەستەرىن قوستى.

اۋىل تۇرعىنى، ءارى ەڭبەك ارداگەرى امانگەلدى وسپانوۆ «تازا قازاقستان» اكسياسى دۇرىس باستاما دەپ ەسەپتەيتىنىن جەتكىزدى.

«بۇگىن اۋىل تۇرعىندارى مەن جاستار ءبىزدىڭ ساياباقتارداعى بۇلاقتار مەن وزەندەردى تازالاۋ ءۇشىن كوشەگە شىعىپ، اۋداننىڭ بارلىق تۇرعىندارىن ەكو-اكسياعا قاتىسۋعا شاقىردى. مەن تۋعان ولكەمنىڭ پاتريوتى رەتىندە جاس ۇرپاققا ۇلگى بولاتىن اۋقىمدى ءىس-شاراعا ءوز ۇلەسىمدى قوستىم»، -دەدى امانگەلدى وسپانوۆ.

«جاس سۇڭقار» ەرىكتىلەر توبىنىڭ مۇشەسى سەرىك سارسەنبايەۆ تازالاۋ كەزىندە پلاستيكالىق قالدىقتارعا ەرەكشە نازار اۋدارىلعانىن ايتتى.

-بۇگىن ءبىز، «جاس سۇڭقار» ەرىكتىلەر توبىنىڭ مۇشەلەرى، اۋدان جاستارىمەن بىرلەسە وتىرىپ، ءۇرجار اۋدانىنداعى سۇيىكتى دەمالىس ورىندارىنا اينالعان «قايىڭدى ب ا ق» جانە «بولاشاق» ساياباقتارىنداعى بۇلاقتاردى تازالادىق. سونىمەن قاتار، وزەن ارنالارىن قوقىستاردان، پلاستيك قالدىقتاردان تازارتتىق. بارلىق جەرلەستەرىمىز بەن جاستارىمىزدى تۋعان ەلىمىزدىڭ تازالىعىن ساقتاۋعا جانە وسىنداي ەكولوگيالىق ءىس-شارالارعا ۇنەمى قاتىسۋعا شاقىرامىن، -دەپ قورىتىندىلادى سەرىك سارسەنبايەۆ.

اۋداندا بارلىعى 50-دەن استام ءىرى جانە كىشى بۇلاق كوزدەرى بار. «ءمولدىر بۇلاق» اپتالىعى اياسىندا بۇلاق كوزدەرىن تازالاۋ جۇمىستارى جالعاسادى.