ءبىر جىل بۇرىن نۇرىمبەت ساقتاعانوۆ شىعىس قازاقستان وبلىسىنىڭ اكىمى قىزمەتىنە تاعايىندالدى. اتاۋلى كۇنگە وراي، شقو اكىمدىگىندە اتقارىلعان جۇمىستاردىڭ قورىتىندىلارى جاريالاندى.

جالپى ءوڭىردىڭ نەگىزگى دامۋ باعىتتارى بويىنشا وڭ ديناميكا تىركەلگەن. ينۆەستيسيالار كولەمى 5،2%-عا، قۇرىلىس جۇمىستارى 9،3%-عا، ساۋدا 8،5%-عا، اۋىل شارۋاشىلىعى 2%-عا ارتقان. 407 مىڭ شارشى مەتردەن استام تۇرعىن ءۇي پايدالانۋعا بەرىلدى. 29 000 جۇمىس ورنى قۇرىلسا، ونىڭ 22 مىڭى – تۇراقتى جۇمىس ورىندارى.

وبلىس اكىمدىگىنىڭ مالىمەتىنشە، قازىرگى ۋاقىتتا جالپى قۇنى 60،4 ملرد تەڭگەنى قۇرايتىن 8 ءىرى ينۆەستيسيالىق جوبا جۇزەگە اسىرىلۋدا.

ينفراقۇرىلىمدى جاڭعىرتۋ جۇمىستارى جالعاسۋدا: 856 شاقىرىم جول جوندەلىپ، زايسان مەن كاتونقاراعايدا اۋەجايلار سالىنۋدا. اۋىلدىق جەرلەردە 36 مەديسينالىق نىسان اشىلدى.

شقو سپورت سالاسىنداعى كورسەتكىشتەرىن دە نىعايتۋدا – ءبىر جىل ىشىندە 3،6 مىڭنان استام ءىس-شارا وتكىزىلىپ، سپورتشىلار التى مىڭعا جۋىق مەدال يەلەندى.

باسپا ءسوز قىزمەتىنىڭ رەسمي اقپاراتىندا كورسەتىلگەندەي، اكىم ينۆەستورلارمەن جالپى سوماسى شامامەن 800 ملرد تەڭگە بولاتىن 67 كەلىسىمگە قول قويعان.

اكىمدىكتە بۇل ساقتاعانوۆتىڭ ءبىر جىلدىق قىزمەتىندە جۇزەگە اسىرىلعان باستامالاردىڭ ءبىر بولىگى عانان ەكەنىن اتاپ ءوتتى.