كاسىپقوي بوكستا ورتا سالماقتا ونەر كورسەتىپ جۇرگەن جانىبەك ءالىمحان ۇلى كانادالىق ستيۋارت ماكلەللاندى جەڭدى دەپ حابارلايدى Qamshy.kz اقپارات اگەنتتىگى.
ون راۋندتىق جەكپە-جەكتىڭ بەسىنشى راۋندىندا جەرلەسىمىز قارسىلاسىن نوكاۋتقا ءتۇسىردى. نوكاۋتقا دەيىن ءالىمحان ۇلى كانادالىقتى ەكى رەت نوكداۋنعا جىبەرگەن بولاتىن.
ولاردىڭ كەزدەسۋى لوس-اندجەلەستەگى Banc of California ستاديونىنداعى بوكس كەشىندە ءوتتى.
"بۇل مەنىڭ ەمەس، ەلدىڭ جەڭىسى! ەر – ەلدىكى! توككەن تەر اقتالىپ، ەڭبەك جەمىسىن بەردى. سىزدەردەي تاقىم قىسار اعايىننىڭ بارىنا قۇدايعا شۇكىر. ارتىڭدا ەلىڭ، قاسىڭدا دوسىڭ بولماسا جالعىزدىڭ شاڭى شىقپايدى. مەن دەگەن ءسوز، ءوزىم دەگەن سوزدەن اۋلاقپىن. وسى جەڭىستەن ءارقايسىڭىزدىڭ ۇلەسىڭىز بار"، - دەپ جازدى جانىبەك ءالىمحان ۇلى ءوزىنىڭ ينستاگرام پاراقشاسىندا.
وسى جەڭىستىڭ ارقاسىندا ءالىمحان ۇلى ءبىرىنشى رەت ەكىنشى دەڭگەيلى WBO Global جانە وڭىرلىك WBC Continental Americas بەلبەۋلەرىن ءساتتى قورعادى. ول ساۋىردە مەكسيكالىق كريستيان وليۆاستى جەڭىپ، چەمپيوندىق تيتۋلدارىن تارتىپ العان ەدى.
پىكىر قالدىرۋ