جالپى كەز كەلگەن نارسەنى ءبىلۋ ماڭىزدى. ارينە، بۇل ادام ءۇشىن دە كەرەك. مىسالى، ءبىز رەسپۋبليكاداعى قوعامدىق بىرلەستىكتەردىڭ نەمەن شۇعىلداناتىنىن بىلەمىز بە؟ ءبىلۋ مىندەت ەمەس دەۋ ارتىق. ارينە، ءبىزدىڭ بىلەتىنىمىز، قازاقستاندا جۇزدەگەن بىرلەستىكتەر بار جانە ولار ءارتۇرلى سالادا قىزمەت ەتەدى.
انىعىنا كەلگەندە، ول زاڭدى – تۇلعا. بىرلەستىك ارينە، قازاقستان رەسپۋبليكاسىنىڭ ادىلەت مينيسترلىگىنەن تىركەۋدەن وتەدى. ولار قالاي قىزمەت ەتەدى؟ انىعى، ول ءبىر ادامنىڭ مەنشىگىندە بولمايدى. بىرلەستىكتىڭ ارنايى قۇجاتى، جارعىسى، ماقساتى مەن مىندەتى بولادى. سوعان ساي قىزمەت ەتەدى. جالپى ونداعان ادام بىرىگىپ بارىپ، بىرلەستىك قۇرىلۋى مۇمكىن. ولاردىڭ قىزمەتى قانداي سوندا؟
نەگىزى، مۇنىڭ بارلىعى دا قازاقستان رەسپۋبليكاسىنداعى قولدانىستاعى زاڭ بويىنشا جۇزەگە اسادى. رەسپۋبليكامىزدا قازىرگى ۋاقىتتا «قوعامدىق بىرلەستىكتەر تۋرالى» زاڭ بار. بىرلەستىكتىڭ جۇمىسى وسى زاڭنىڭ اياسىندا ىسكە اسىرىلادى. ول ءۇشىن الدىمەن نە ىستەلىنۋى كەرەك؟
- «قوعامدىق بىرلەستىكتەر تۋرالى» زاڭعا سايكەس، الدىمەن ون ادامنان قۇرىلعان باستاماشىل توپ قۇرىلادى
- باستاماشى توپ جينالىس، سيەزد وتكىزەدى
- بۇل جيىن قۇرىلتاي دەپ اتالۋى دا ىقتيمال
- قۇرىلتايدا الدىمەن جارعى قابىلدانادى
- الدىن الا ونىڭ مارتەبەسى انىقتالادى
- ول قالاي قىزمەت ەتەدى، ايماقتىق دەڭگەيدە مە، جوق رەسپۋبليكا كولەمىندە مە، مۇنىڭ بارلىعى الدىنا لا ناقتىلانادى.
- بىرلەستىك جەرگىلىكتى نەمەسە ايماقتىق ادىلەت ورگانىنان تىركەۋدەن وتەدى.
تاعى ءبىر ايتا كەتەتىن ءبىر جايت، بىرلەستىك اكينالىساتىن سالاسىنا قاتىستى ءارتۇرلى بولۋى مۇمكىن.
بىرىنشىدەن، ول رەسپۋبليكا اۋماعىن تۇگەل قامتۋى ىقتتمال.
ەكىنشىدەن، بىرنەشە وبلىستا، ياعني بىر-بىرىنە جاقىن ورنالاسقان ايماقتا جۇمىسىن جالعاستىرۋى مۇمكىن.
ۇشىنشىدەن، ءبىر عانا وبلىستى قامتيتىن دا بىرلەستىكتەر بولادى
تورتىنشىدەن، ءار اۋماقتا بولىمشىلەرى مەن وكىلدەرى بولسا، رەسپۋبليكالىق قوعامدىق بىرلەستىك بولىپ ەسەپتەلەدى.
جالپى ونداعان ادام باستاماشى بولىپ، قۇرىلاتىن بىرلەستىكتىڭ قىزمەتى قانداي؟ نەمەن اينالىسادى؟ بىرلەستىك قازاقستان رەسپۋبليكاسىندا زاڭ اياسىندا قىزمەت ەتىپ، بارلىق سالا بويىنشا جۇمىس ىستەي الادى. اتاپ ايتار بولساق...
- ازاماتتاردىڭ بوستاندىعىن قورعاۋ؛
- ساياسي-ەكونوميكالىق، الەۋمەتتىك جانە مادەني سالاعا ارالاسۋ؛
- عىلىمي، تەحنيكالىق، كوركەم شىعارماشىلىقپەن اينالىسۋ؛
- ءتىل، مادەنيەت، ۇگىت- ناسيحات جۇمىستارىمەن شۇعىلدانۋ؛
- قايىرىمدىلىق قىزمەتى بويىنشا حالىققا قىزمەت كورسەتۋ؛
- تاريحي-مادەني ەسكەرتكىشتەرلى قورعاۋ؛
- جاستارعا قۇقىقتىق تاربيە بەرۋ؛
- پاتريوتيزم مەن قۇقىقتىق ماسەلەمەن اينالىسۋ؛
- سالاۋاتتى ءومىر سالتىن ناسيحاتتاۋ؛
- قورشاعان ورتا مەن تابيعات پەن ەكولوگيالىق ماسەلەلەردى قورعاۋ:
ارينە، بىرلەستىكتەر اينالىساتىن سالانى ودان ارى دا جالعاستىرا بەرۋگە بولادى. ءبىراق اڭگىمە مىنادا: ولار ەلدىڭ دامۋى ءۇشىن، حالىق ءۇشىن جەمىستى قىزمەت ەتكەنى دۇرىس. سوندا عانا ونىڭ جۇمىسىنىڭ ناتيجەلىلىگى كورىنەدى. باستاماشىل توپپەن ەرىكتى تۇردە قۇرىلاتىن بىرلەستىكتەردىڭ اقيقاتىندا ەلگە، حالىققا بەرەرى كوپ.
مارجان سابەت
پىكىر قالدىرۋ