بيىل جامبىل وبلىسىندا جەكە تۇرعىن ءۇي قۇرىلىسىنا 2877 جەر تەلىمى بەرىلەدى. بۇدان بولەك، تەك ەلەكتر قۋاتىن تارتا وتىرىپ 17 القاپتا 3722 جەر تەلىمىن بەرۋ قاراستىرىلىپ جاتىر.
«7-20-25» باعدارلاماسى اياسىندا 320 ادام ءوتىنىش بەرىپ، 173ء-ى قولداۋ تاپتى. 144 ازاماتقا 1 ميلليارد تەڭگەگە نەسيە راسىمدەلدى، – دەپ حابارلايدى «Qamshy.kz» اقپارات اگەنتتىگى.
باسپاناعا مۇقتاج از قامتىلعان جانە كوپبالالى وتباسىلارىن ءتۇرعىن-ۇي كەزەگى جەتكەنگە دەيىن جاتاحانامەن قامتۋ ءۇشىن 8 جاتاقحانانىڭ قۇرىلىسى باستالدى.
جالپى، قۇرىلىس كولەمى 12،4 پايىزعا ءوسىپ، 226 مىڭ شارشى مەتر تۇرعىن ءۇي پايدالانۋعا بەرىلىپ، 6،2 پايىزعا ارتتى. ونىڭ ىشىندە 260 پاتەر كوپبالالى جانە از قامسىزداندىرىلعان وتباسىلارىنا بەرىلدى. بۇدان باسقا، دەمەۋشىلەر ەسەبىنەن 24 وتباسى تۇرعىن ۇيمەن قامتاماسىز ەتىلدى
«نۇرلى جەر» باعدارلاماسى اياسىندا 30 كوپپاتەرلى تۇرعىن ءۇيدىڭ قۇرىلىسى جۇرگىزىلۋدە، 28ء-ى جىل سوڭىنا دەيىن تاپسىرىلادى ونىڭ 9-ى – ارەندالىق ۇيلەر. 14 ينفراقۇرىلىمدىق جوبا ىسكە اسىرىلۋدا.
سونداي-اق، وبلىستا قۇرىلىسى 2018 جىلى اياقتالعان كوپقاباتتى تۇرعىن ۇيلەردەن 380 پاتەر ساتىلىمعا شىعارىلىپ، بۇگىنگى كۇنگە دەيىن 67 پاتەر ساتىلىپتى. ال قالعان 313 پاتەردىڭ 66-سى اراي-2 ىقشاماۋدانىندا، 247 پاتەر 15-ىقشاماۋدانىندا ساتىلىمدا تۇر. بۇل جونىندە وڭىرلىك كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا وبلىس اكىمدىگى قۇرىلىس باسقارماسىنىڭ باسشىسى جايىقباي شالداروۆ مالىمدەدى.
ج.شالداروۆ ەلباسى ن.نازاربايەۆتىڭ 2018 جىلعى 5 قازانداعى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا ەلدى مەكەندەردە ءومىر سۇرۋگە جايلى ورتا قالىپتاستىرۋ، ساپالى ءارى قولجەتىمدىڭ تۇرعىن ءۇي بويىنشا تاپسىرمالار بولعانىن ايتا كەلە، وبلىستاعى تۇرعىن ءۇي قۇرىلىسىنىڭ قارقىنىنا نازار اۋداردى.
– 2019 جىل قورىتىندىسىمەن 1460 پاتەرلى 21 كرەديتتىك تۇرعىن ءۇي قۇرىلىسىن اياقتاۋ جوسپارلانىپ وتىر. وسىعان وراي، اتالعان 1460 پاتەردى بولجامالى 60/40 پايىزدىق بولىنىسىمەن ساتۋدى كوزدەپ وتىرمىز. ياعني، «7-20-25» باعدارلاماسى بويىنشا 584 پاتەر ساتىلماق. سونداي-اق، حالىقتىڭ الەۋمەتتىك تۇرعىدان ءالسىز توپتارى ءۇشىن ءىرى قالالاردا جالدامالى تۇرعىن ءۇي قۇرىلىسىن كوبەيتۋ قاجەتتىلىگى دە وزەكتى بولىپ تۇر. «نۇرلى جەر» باعدارلاماسى اياسىندا 2018 جىلىدىڭ قورىتىندىسىمەن 13 ءۇي نەمەسە 953 پاتەر ساتىپ الۋ قۇقىنسىز جالعا، ياعني حالىق يگىلىگىنە بەرىلدى. بۇل باعىتتا وبلىستا الداعى ۋاقىتتا دا قۇرىلىس جۇمىستارى قولعا الىنباق، – دەدى باسقارما باسشىسى.
ال ءدال ءقازىر 658 پاتەرلى 9 ءۇيدىڭ قۇرىلىسى جانە قايتا جاڭعىرتۋ جۇمىستارى جۇرگىزىلىپ جاتىر ەكەن. ونىڭ ىشىندە 130 پاتەرلى 2 ءۇيدىڭ قۇرىلىس جۇمىستارى 2020 جىلعا وتپەلى. قالعان 528 پاتەردىڭ قۇرىلىسى جىل سوڭىنا دەيىن اياقتالۋى ءتيىس.
پىكىر قالدىرۋ