تۇڭعىش پرەزيدەنتىمىز ن.ءا.نازاربايەۆتىڭ «بولاشاققا باعدار: رۋحاني جاڭعىرۋ» اتتى ماقالاسىنان تۋىنداعان «اتامەكەن» كىشى باعدارلاماسى اياسىندا «جومارت جۇرەك» نوميناسياسىمەن ماراپاتتاۋ ءراسىمى جامبىل وبلىسى مويىنقۇم اۋدانىندا دا اتالىپ ءوتتى دەپ جازادى Qamshy.kz اقپارات اگەنتتىگى. 

جالپى شالعاي ەلدى مەكەندە ەلباسى باستامالارىن قولداۋعا باعىتتالعان شارۋالار از ەمەس. ولاردىڭ قاتارىندا «رۋحاني جاڭعىرۋدان»، «بەس الەۋمەتتىك باستاما»، «100 ناقتى قادام» ۇلت جوسپارىن تۇرعىندارعا ءجىتى ءتۇسىندىرۋ مەن ىسكە اسىرۋدا دا اۋىز تولتىرىپ ايتارلىقتاي جۇمىستار از ەمەس. ودان بولەك، «تۋعان جەرگە تۋ تىگىپ!» قايىرىمدىلىق پەن دەمەۋشىلىكپەن دە اينالىسىپ جاتقان مەسەنانتتار بارشىلىق.

«جومار جۇرەك» نوميناسياسىن ماراپاتتاۋ راسىمىندە اۋدان اكىمىنىڭ ورىنباسارى باقىتجان قالىمبەتوۆ شارانىڭ وزەكتىلىگىنە توقتالىپ ءوتتى. «تۋعان جەر» جوباسىندا ىسكەر ازاماتتاردى تۋعان ولكەنى تۇلەتىپ، ءوڭىر ءومىرىن جاقسارتۋعا اتسالىسقان بولاتىن. تۋعان جەرىنە دەگەن پاتريوتتىق سەزىمىن وياتقان قۇندى جوبانىڭ ناتيجەسىن بۇگىندە ەل كورىپ وتىر. وسى جوبا اياسىندا اۋدانىمىزدا تۋىپ-وسكەن اۋىلىندا ءىرى الەۋمەتتىك جوبالاردى ىسكە اسىرىپ، كوپبالالى وتباسىلار مەن اتا-انا قاراۋىنسىز قالعان جەتىم بالالارعا كومەك قولىن سوزىپ، قايرىمدىلىق جاساپ جۇرگەن جاندار از ەمەس. بۇگىنگى سالتاناتتى قۇتتىقتاۋ ءراسىمىنىڭ ماقساتى - حالىقتى، بيزنەس-قۇرىلىم وكىلدەرىن، مەسەناتتار مەن ۆولونتەرلەردى تۋعان جەرىن دامىتۋعا شاقىرۋ. سونداي-اق، مەسەناتتىق پەن مەيىرباندىق يدەيالارىن تانىمال ەتۋ بولىپ تابىلادى.

مەرەيى تاسىعان، ابىرويى اسقان «جومارت جۇرەك» سىيلىعىنىڭ يەگەرلەرى قاتارىنا «ورگستروي» ج ش س «جىلدىڭ ۇزدىك ۇيىمى» نوميناسياسى، «قۇلان تب» ج ش س باسشىسى قايرات بولات ۇلى قويشىبەكوۆ «جىل مەسەناتى» نوميناسياسى، باكىر امىرەقۇل ۇلى يسابەكوۆ «جىل تۇلعاسى» نوميناسياسى، گاۋھار سامات قىزى زيابەكوۆا «ەرەن ەرىكتىلىك» نوميناسياسى، ايدار مۇقاشيەۆ «تۋعان ولكە» نوميناسياسىنا لايىق دەپ تانىلىپ، ارنايى العىس حاتتار مەن باعالى سىيلىقتارعا يە بولدى.

وسىلايشا قۇرمەت پەن ماراپات قۇشاعىنا بولەنگەندەر ەل العىسىن دا ارقالادى. بۇل ءسوز جوق، ەلباسى تاپسىرمالارىنىڭ جاز-اتا اۋىلىندا جۇيەلى جۇزەگە اسىپ جاتقانىن اڭعارتادى. جانە «جومارت جۇرەك» جانداردىڭ اۋىلدىق جەرلەردەن دە كوپتەپ شىعىپ جاتقانى قۋانتادى.

«ءار قازاقتى جالعىزىم دە» دەگەن وسى بولار، شىركىن...